સુરેન્દ્રનગર જિલ્લાના સાયલા તાલુકામાં ગેરકાયદેસર ખનન માફિયાઓ વિરુદ્ધ પોલીસે લાલ આંખ કરી છે. સાયલા પોલીસે બાતમીના આધારે ચોરવીરા ગામના વિસ્તારમાં ચાલતી કાર્બોસેલની ગેરકાયદેસર ખાણો પર દરોડો પાડી મોટી સફળતા મેળવી છે. આ ઓપરેશન દરમિયાન પોલીસે કાર્બોસેલના 7 કૂવાઓ શોધી કાઢ્યા હતા, જ્યાં ખનીજ ચોરીનું મોટું નેટવર્ક કાર્યરત હતું.
પોલીસની આ રેડમાં ખનન માટે ઉપયોગમાં લેવાતા સાધનો સહિત કુલ 30 લાખ રૂપિયાનો મુદ્દામાલ જપ્ત કરવામાં આવ્યો છે. જપ્ત કરાયેલા સામાનમાં 1 લોડર, 2 ટ્રેક્ટર, 1 જનરેટર, 10 પાઈપો, 5 બકેટ અને અંદાજે 180 મેટ્રિક ટન કાર્બોસેલનો જથ્થો શામેલ છે. પકડાયેલા તમામ સાધનો અને ખનીજ જથ્થાને સુરેન્દ્રનગર ખાણ-ખનીજ વિભાગની કચેરી ખાતે ખસેડવામાં આવ્યો છે.
આ મામલે હવે આગળની તપાસ ખાણ-ખનીજ વિભાગ (Geology and Mining Department) ને સોંપવામાં આવી છે. વિભાગ દ્વારા આ કૂવાઓમાંથી અત્યાર સુધીમાં કેટલું ખોદકામ કરવામાં આવ્યું છે તેની ચોક્કસ માપણી કરવામાં આવશે અને તેના આધારે જવાબદારોને લાખો રૂપિયાનો દંડ ફટકારવામાં આવશે. સાયલા પોલીસની આ કડક કાર્યવાહીથી ખનીજ ચોરી કરતા તત્વોમાં ફફડાટ ફેલાયો છે. લાંબા સમયથી ચોરવીરા વિસ્તારમાં કાર્બોસેલનું ખનન બંધ થવાનું નામ લેતું નહોતું, ત્યારે આ કાર્યવાહી એક મોટો ફટકો સાબિત થશે.
સાયલા પોલીસ સ્ટાફ વડીયા ગામ પાસે પેટ્રોલિંગમાં હતો ત્યારે મળેલી બાતમીના આધારે એક શંકાસ્પદ કારને…
સુરેન્દ્રનગર જિલ્લામાં વ્યાજખોરોના આતંકને ડામવા અને આર્થિક સંકળામણથી પીડાતા નાગરિકોને બચાવવા માટે જિલ્લા પોલીસ દ્વારા…
સુરેન્દ્રનગર જિલ્લાના ધાંગધ્રા અને પાટડીના રણ વિસ્તારમાં 19 માર્ચના રોજ ત્રાટકેલા વિનાશક વાવાઝોડા અને કમોસમી…
સુરેન્દ્રનગર જિલ્લામાં વ્યાજખોરોનો આતંક સીમા વટાવી રહ્યો છે. મૂળી તાલુકાના ગઢડા ગામે 35 વર્ષીય ગોપાલભાઈ…
સુરેન્દ્રનગરના મુખ્ય એસ.ટી. બસ સ્ટેન્ડમાં વહીવટી તંત્રની ઘોર બેદરકારી સામે આવી છે. દરરોજ 10,000 થી…
વિશ્વ મુખ સ્વાસ્થ્ય દિવસ (World Oral Health Day) નિમિત્તે ઇન્ડિયન ડેન્ટલ એસોસિએશન (IDA) સુરેન્દ્રનગર બ્રાન્ચ…