સુરેન્દ્રનગર: શ્રી શક્તિ માતાજીના મંદિરે ભવ્ય આરતી મહોત્સવ; ભાજપ અગ્રણીઓ અને માઈભક્તોની હાજરી

સુરેન્દ્રનગર શહેરના શ્રી શક્તિ માતાજીના મંદિરે તાજેતરમાં એક ભવ્ય આરતી મહોત્સવનું સુંદર આયોજન કરવામાં આવ્યું હતું. આ ધાર્મિક કાર્યક્રમમાં ભક્તિમય માહોલ વચ્ચે જિલ્લા ભાજપના પ્રમુખ હાર્દિકભાઈ ટમાલીયા, જિલ્લા ભાજપ ઉપપ્રમુખ રાજભા રાણા અને શહેર ભાજપ પ્રમુખ દેવાંગભાઈ રાવલ વિશેષ રૂપે ઉપસ્થિત રહ્યા હતા.

મહોત્સવ દરમિયાન 100 થી વધુ ભક્તો અને વિવિધ ક્ષત્રિય અગ્રણીઓએ માતાજીની આરાધના કરી ધન્યતા અનુભવી હતી. સમગ્ર મંદિર પરિસર ‘જય માતાજી’ના નાદથી ગુંજી ઉઠ્યું હતું અને મોટી સંખ્યામાં માઈ ભક્તોએ સમૂહ આરતીનો લાભ લીધો હતો. આ પાવન અવસરે ઉપસ્થિત સૌ ભાવિકોએ માતાજીના દર્શન કરી આશીર્વાદ મેળવ્યા હતા.