કોઠારીયા ગામે રામામંડળનો ભવ્ય કાર્યક્રમ: ભાજપ નેતાઓની વિશેષ ઉપસ્થિતિ

વઢવાણ તાલુકાના કોઠારીયા (Kothariya) ગામે તાજેતરમાં ભક્તિ અને આસ્થાનો અદભૂત સંગમ જોવા મળ્યો હતો. અહીં ‘જય હો અલખધણી રામામંડળ’  દ્વારા આયોજિત બાબા રામદેવજી મહારાજ (Baba Ramdevji Mahraraj)ના ગુણગાન ગાવાના વિશેષ ઉત્સવમાં ભક્તોનું ઘોડાપૂર ઉમટી પડ્યું હતું.

આ ધાર્મિક (Religious) પ્રસંગમાં વઢવાણ વિધાનસભાના ધારાસભ્ય જગદીશભાઇ મકાવાણા સહિતના ભાજપના દિગ્ગજ નેતાઓએ હાજરી આપીને કાર્યક્રમની શોભા વધારી હતી. મુખ્ય મહેમાનોમાં જિલ્લા ભાજપ પ્રમુખ (BJP President) હાર્દિક ટમાલીયા, શહેર ભાજપ પ્રમુખ દેવાંગ રાવલ, અને ગ્રામ્ય મંડલ પ્રમુખ ઘનશ્યામ વસવેલીયા, રાકેશભાઈ ખાંદલા, પ્રકાશભાઈ કોરડીયા, ​વિપુલભાઈ ચૌહાણ, ​અમૃતભાઈ ડાભી સહિતના આગેવાનોએ રામદેવ બાબાના આશીર્વાદ લીધા હતા.

રામામંડળના કલાકારોએ આખ્યાન દ્વારા શ્રોતાઓને મંત્રમુગ્ધ કર્યા હતા. નેતાઓએ જણાવ્યું કે આવા આયોજનોથી સમાજમાં સમરસતા (Harmony) અને સંસ્કૃતિનું જતન થાય છે.