દસાડાના વધાડામાં સ્થાનિક પોલીસ ફરી ઊંઘતી રાખી દારૂના કટિંગ સમયે એસએમસી ત્રાટકી 25 લાખનો દારૂ ઝડપી પાડયો હતો. એસએમસીએ દારૂ, કાર, ટ્રક, મોબાઇલ મળી રૂ.61.24 લાખનો મુદ્દામાલ સાથે ચાર શખ્શને ઝડપી પાડયા હતા જ્યારે નવ શખ્સ નાસી છુટયા હતા. એસએમસીએની 13 શખ્સ સામે ગુનો નોંધાવી તપાસ હાથ ધરી છે. પ્રાથમિક તપાસમાં દારૂનો જથ્થો વિરમગામના બુટલેગરે મંગાવ્યો હતો.
દસાડાના વધાડા ગામ પાસેથી ઈંગ્લીશ દારૂનું કટિંગ થવાનું છે તેવી ચોક્કસ બાતમીના આધારે ગાંધીનગર સ્ટેટ મોનિટરીંગ સેલ (એસએમસી)ની ટીમે દરોડો પાડયો હતો. દરોડા દરમિયાન વધાડા ગામ પાસે આવેલા વિશ્વકર્મા મંદિર પાસે આવેલી ફુલકી ચોકડી નજીકથી ઇંગ્લિશ દારૂનું કટીંગ કરતાં (1) દેવેન્દ્રસિંહ ઉર્ફે દેવ જીબાનસિંહ સોલંકી (2) મિનેશ ગાંડાભાઈ સોલંકી (3) પંકજ રાજેશસિંહ રાજપુત (ત્રણેય રહે. અમદાવાદ) (4) પ્રકાશભાઈ જાકાહીભાઈ પરમાર (રહે. થરા, જી. બનાસકાંઠા)ને ઝડપી પાડયા હતા.
એસએમસીની ટીમે સ્થળ પરથી દારૂની 9,864 બોટલ (રૂ.25.45 લાખ), 07 મોબાઇલ (રૂ.76,000), બે કાર અને એક ટ્રક (રૂ.35 લાખ), રોકડ સહિત ફૂલ રૂ.61.24 લાખના મુદામાલ ઝડપી પાડયો હતો. જ્યારે રેઇડ દરમિયાન અન્ય નવ શખ્સ (1) ગણપત ઉર્ફે કિશન રેવાભાઈ પરમાર, રહે.થરા, જી. બનાસકાંઠા (મુખ્ય આરોપી) (2) ફારુક ઇશાક મેમણ, રહે. વિરમગામ (ઇંગ્લિશ દારૂનો જથ્થો મંગાવનાર) (3) પંપુભા વાઘેલા, રહે.થરા, જિ. બનાસકાંઠા (4) ટીનાજી ઠાકોર, રહે.થરા, જિ. બનાસકાંઠા (5) ટ્રક ચાલક, માલીક અને ક્લીનર (6) સ્કોપયો કારનો માલિક (7) આઈટેન કારનો માલિક હાજર મળી આવ્યા નહોતા.
આથી એસઓજી પોલીસે ઝડપાયેલ 04 શખ્સો સહિત હાજર મળી નહીં આવેલ 09 શખ્સો સહિત કુલ 13 શખ્સો સામે પાટડી પોલીસ મથકે પ્રોહીબીશન એક્ટ હેઠળ ગુનો નોંધી કાર્યવાહી હાથ ધરી છે. જ્યારે એસએમસી ટીમ દ્વારા મોટા પ્રમાણમાં દસાડા તાલુકામાંથી ઇંગ્લિશ દારૂનું કટિંગ ઝડપી પાડતા સ્થાનિક પોલીસની બેદરકારી સામે આવી હોવાનું પણ ચર્ચાઈ રહ્યું છે અને આ મામલે આગામી દિવસોમાં ઉચ્ચ કક્ષાએથી નવા જૂની થવાના એંધાણ પણ વર્તાઈ રહ્યા છે.
જયારે ગાંધીનગર એસએમસી ટીમ દ્વારા વિરમગામ તાલુકાના ડેડીયાસણ ગામ પાસે આ રેઇડ કરી હોવાનું અને ગુનો દસાડા તાલુકાની હદમાં નોંધ્યો હોવાની ચર્ચાઓએ પણ જોર પકડયું છે.
વઢવાણ તાલુકાના કોઠારીયા ગામ ખાતે પૂજ્ય વજાભગતની 11મી પુણ્યતિથિ નિમિત્તે ભવ્ય શ્રીમદ્ ભાગવત સપ્તાહ જ્ઞાનયજ્ઞનું…
સુરેન્દ્રનગર જિલ્લામાં માર્ગ સલામતી અને ટ્રાફિક નિયમોના ચુસ્ત પાલન માટે આરટીઓ (RTO) તંત્ર દ્વારા આક્રમક…
સુરેન્દ્રનગર જિલ્લામાં આગામી સ્થાનિક સ્વરાજ્યની ચૂંટણી 2026 ને લઈને વહીવટી તંત્ર સજ્જ બન્યું છે. જિલ્લા…
સુરેન્દ્રનગર જિલ્લા મેજિસ્ટ્રેટ જી.એચ. સોલંકી દ્વારા આગામી સ્થાનિક સ્વરાજ્યની ચૂંટણી 2026 ને અનુલક્ષીને મહત્વનું જાહેરનામું…
ગુજરાત રાજ્યના પૂર્વ કેબિનેટ મંત્રી આઇ.કે. જાડેજાની પ્રદેશ ભાજપની મહત્વની સંકલન સમિતિ (કોર કમિટી) માં…
ભાજપ નવા ચહેરાઓને મેદાનમાં ઉતારી નગરપાલિકામાં સત્તા મેળવશે પાલિકાઓમાં 30 ટકાથી વધુ જૂના કોર્પોરેટરોને ટિકિટ…