સુરેન્દ્રનગર જિલ્લાના ધ્રાંગધ્રા શહેરમાં 3 મહિના અગાઉ થયેલી લૂંટના ગુનામાં સંડોવાયેલા બે વોન્ટેડ આરોપીઓને પકડવામાં પોલીસને મોટી સફળતા મળી છે.
ધ્રાંગધ્રા સિટી પોલીસની ટીમે ફૂલગાલી વિસ્તારમાં આવેલા એક રહેણાંક મકાનની છત પરથી ફિલ્મી ઢબે દરોડો પાડી બંને શખ્સોને દબોચી લીધા હતા. આ બંને આરોપીઓ છેલ્લા 90 દિવસથી પોલીસને હાથતાળી આપી નાસતા ફરતા હતા.
પોલીસ કોન્સ્ટેબલ સરફરાજભાઈ માલિકને મળેલી ચોક્કસ બાતમીના આધારે પીઆઇ એમ.યુ.મશી અને તેમની ટીમે ફૂલગાલીમાં સર્ચ ઓપરેશન હાથ ધર્યું હતું. આ કાર્યવાહીમાં હાજીભાઈ સંધિ અને સકલીનભાઈ ઉર્ફે કાલી બેલીમ (બંને રહે. ધ્રાંગધ્રા) નામના શખ્સો ઝડપાયા છે.
પોલીસની પ્રાથમિક પૂછપરછમાં ચોંકાવનારી વિગતો સામે આવી છે કે, આ બંને આરોપીઓ માત્ર ધ્રાંગધ્રાની લૂંટમાં જ નહીં, પરંતુ મોરબી જિલ્લાના હળવદ ખાતે થયેલા ફાયરિંગના ગુનામાં પણ વોન્ટેડ હતા.
ધ્રાંગધ્રા પોલીસે બંને આરોપીઓની અટકાયત કરી કાયદેસરની કાર્યવાહી હાથ ધરી છે. આ સફળ કામગીરીમાં પીએસઆઇ એ.એમ. ચુડાસમા સહિત સર્વેલન્સ સ્ટાફના જવાનો જોડાયા હતા.
લાંબા સમયથી નાસતા ફરતા આ રીઢા ગુનેગારો ઝડપાતા સ્થાનિક વેપારીઓ અને રહીશોએ રાહતનો શ્વાસ લીધો છે. હવે પોલીસ આ શખ્સો દ્વારા અન્ય કોઈ ગુના આચરવામાં આવ્યા છે કે કેમ તે દિશામાં તપાસ ચલાવી રહી છે.
સાયલા પોલીસ સ્ટાફ વડીયા ગામ પાસે પેટ્રોલિંગમાં હતો ત્યારે મળેલી બાતમીના આધારે એક શંકાસ્પદ કારને…
સુરેન્દ્રનગર જિલ્લામાં વ્યાજખોરોના આતંકને ડામવા અને આર્થિક સંકળામણથી પીડાતા નાગરિકોને બચાવવા માટે જિલ્લા પોલીસ દ્વારા…
સુરેન્દ્રનગર જિલ્લાના ધાંગધ્રા અને પાટડીના રણ વિસ્તારમાં 19 માર્ચના રોજ ત્રાટકેલા વિનાશક વાવાઝોડા અને કમોસમી…
સુરેન્દ્રનગર જિલ્લામાં વ્યાજખોરોનો આતંક સીમા વટાવી રહ્યો છે. મૂળી તાલુકાના ગઢડા ગામે 35 વર્ષીય ગોપાલભાઈ…
સુરેન્દ્રનગરના મુખ્ય એસ.ટી. બસ સ્ટેન્ડમાં વહીવટી તંત્રની ઘોર બેદરકારી સામે આવી છે. દરરોજ 10,000 થી…
વિશ્વ મુખ સ્વાસ્થ્ય દિવસ (World Oral Health Day) નિમિત્તે ઇન્ડિયન ડેન્ટલ એસોસિએશન (IDA) સુરેન્દ્રનગર બ્રાન્ચ…