ચુડા 108ની ટીમ સગર્ભા અને નવજાત શિશુ માટે દેવદૂતનું કામ કર્યું છે. કર્યું છે. 108ની ટીમે હોસ્પિટલ પહોંચતા પહેલા એમ્બ્યુલન્સમાં સફળ ડિલિવરી ઠરાવી હતી. સમયસૂચક્તા, કુશળતાને કારણે માતા અને નવજાતનો બચાવ થયો હતો.
ચુડાના કુડલા ગામના સગર્ભાને પ્રસૂતિની પીડા ઉપડતાં સારવાર અર્થે સીએમસીમાં ખસેડાયા હતા. જ્યાં પ્રસુતાની સ્થિતિ ગંભીર જણાતા સામુહિક આરોગ્ય કેન્દ્રે તેમને સુરેન્દ્રનગર લઈ જવા માટે 108 એમ્બ્યુલન્સ મોકલી હતી.
સુરેન્દ્રનગર હોસ્પિટલ પહોંચે તે પહેલા મહિલાની પીડા અસહ્ય બની ગઈ હતી. સ્થિતિની ગંભીરતા પારખી 108ના ઈમરજન્સી મેડિકલ ટેકનિશિયન દાજીભાઈ રોજાસરા અને પાઈલટ રાહુલ વાઘેલાએ રસ્તામાં એમ્બ્યુલન્સ ઉભી રાખી સુરક્ષિત ડિલિવરી કરાવવાનો નિર્ણય લીધો હતો.
મેડિકલ પ્રોટોકોલનું પાલન કરી હેડ ઓફિસના ડોક્ટરના માર્ગદર્શન હેઠળ ટીમે સફળતાપૂર્વક ડિલિવરી કરાવી હતી. સુરક્ષિત અને સફળ ડિલિવરી બાદ માતાએ સ્વસ્થ બાળકને જન્મ આપ્યો હતો.પ્રાથમિક સારવાર આપ્યા બાદ માતા અને નવજાતને હોસ્પિટલે ખસેડાયા હતા. કટોકટીના સમયે 108ની ટીમે દાખવેલી પીરજ અને ત્વરિત નિર્ણયશક્તિને કારણે જાનનું જોખમ ટળ્યું હતું. પરિવારજનોએ 108 સેવાની કામગીરીને બિરદાવી ટીમનો આભાર માન્યો હતો.
