પાટડી તાલુકાના એક ગામમાં મજૂરી અર્થે આવેલી 21 વર્ષીય પરપ્રાંતિય મહિલા પર દુષ્કર્મ ગુજારવામાં આવ્યું હોવાની આઘાતજનક ઘટના સામે આવી છે.
મૂળ મધ્ય પ્રદેશની આ મહિલા પોતાના પતિ સાથે ખેતરમાં ભાગીદારીમાં જીરાના પાકની મજૂરી કરી રહી હતી. બનાવના દિવસે બપોરે 12 વાગ્યાના સુમારે જ્યારે મહિલા ખેતરમાં એકલી જીરું ઉપાડી રહી હતી, ત્યારે આરોપીએ આ કૃત્ય આચર્યું હતું.
આરોપી રવીભાઈ રાજેશભાઈએ મહિલાને એકલી જોઈ તેની પર બળજબરી કરી હતી. આ નૃશંસ કૃત્ય બાદ આરોપીએ મહિલાને અને તેના પતિને જાનથી મારી નાખવાની ધમકી આપી ત્યાંથી નાસી છૂટ્યો હતો.
ભોગ બનનાર મહિલાએ હિંમત દાખવીને આ અંગે પાટડી પોલીસ મથકે ફરિયાદ નોંધાવી છે. પોલીસે ગુનો નોંધીને ફરાર આરોપીને ઝડપી પાડવા ચક્રો ગતિમાન કર્યા છે.
