સુરેન્દ્રનગર હેન્ડલુમ રોડથી દાળમીલ સુધી અઢી કિલોમીટરનો ડામર રોડ બન્યો

સુરેન્દ્રનગર: સુરેન્દ્રનગર મહાનગરપાલિકા દ્વારા શહેરના વિકાસ કાર્યોને અગ્રતા આપીને નાગરિકોની સુવિધામાં વધારો કરવાના ઉદ્દેશ્ય સાથે એક મહત્ત્વપૂર્ણ પ્રોજેક્ટની શરૂઆત કરવામાં આવી છે. લાંબા સમયથી હેન્ડલુમ રોડથી દાડમીલ સુધીના અંદાજિત 2.5 કિલોમીટર લાંબા ડામર રોડ બિસ્માર બનતા નિર્માણ કાર્ય પૂરજોશમાં શરૂ કરી દેવામાં આવ્યું છે. આ ડામર રોડના નિર્માણ માટે રૂ. 66 લાખનો અંદાજિત ખર્ચ નક્કી કરવામાં આવ્યો છે .

રોડ હેન્ડલુમ રોડ પાસે આવેલ પાણીની ટાંકીથી શરૂ થઈને દાળમીલ સુધી લંબાશે. હાલમાં આ માર્ગની સ્થિતિને કારણે સ્થાનિકોને ભારે હાલાકીનો સામનો કરવો પડતો હતો, ત્યારે ખાસ કરીને ચોમાસા દરમિયાન પરિસ્થિતિ વધુ ગંભીર બની જતી હતી. આ નવા રોડના નિર્માણથી રસ્તા પરના ખાડાઓ અને ધૂળની સમસ્યામાંથી મુક્તિ મળશે.