થાનગઢના ખાખરાથળની સીમમાંથી 7 જુગારીઓની ધરપકડ, રૂ. 2.87 લાખનો મુદ્દામાલ જપ્ત

Thangadh Gambling Raid | સુરેન્દ્રનગર (Surendranagar) જિલ્લામાં ગેરકાયદેસર પ્રવૃત્તિઓ અને ગુનાખોરી ડામવા માટે પોલીસ વિભાગ (Police Department) દ્વારા કડક ઝુંબેશ ચલાવવામાં આવી રહી છે.

અંતર્ગત સુરેન્દ્રનગર લોકલ ક્રાઇમ બ્રાન્ચ (Surendranagar LCB) અને થાનગઢ પોલીસ (Thangadh Police) ની ટીમે બાતમીના આધારે થાનગઢ તાલુકાના ખાખરાથળ ગામની સીમમાં રેડ (Raid) પાડી હતી. અહીં સીમ વિસ્તારમાં બાવળની ગીચ આડમાં લપાઈને મોટા પાયે ચાલતા જુગારધામનો પર્દાફાશ કરવામાં આવ્યો છે. પોલીસે અચાનક દરોડો પાડી જુગાર રમતા કુલ ૭ જેટલા શખ્સોને રંગેહાથ ઝડપી લીધા હતા.

પોલીસ રેડ દરમિયાન પકડાયેલા ઇસમોમાં જયેશભાઈ ગોકળભાઈ (રહે. તરણેતર), દેવરાજભાઈ ધીરજભાઈ (રહે. ખાખરાથળ), કમલેશ પભાભાઈ (રહે. ખાખરાથળ), મનજીભાઈ જેરામભાઈ (રહે. ખાખરાથળ), અજયભાઈ હેમુભાઇ (રહે. તરણેતર), સુરેશભાઈ નરસિંહભાઈ (રહે. નળખંભા) અને સૂર્યદીપસિંહ ભગીરથસિંહ (રહે. ખાખરાળા) નો સમાવેશ થાય છે. પોલીસે આ તમામ જુગારીઓની સ્થળ પરથી અટકાયત (Arrest) કરી લીધી છે.

આ દરોડા દરમિયાન પોલીસ ટીમે જુગારના પટમાંથી રોકડા રૂપિયા, મોબાઈલ ફોન (Mobile Phones) અને વાહનો સહિત કુલ રૂ. 2.87 લાખ (Rs 2.87 Lakhs)નો મુદ્દામાલ જપ્ત (Seized) કર્યો છે. થાનગઢ પોલીસે તમામ પકડાયેલા આરોપીઓ સામે જુગારધારા હેઠળ ગુનો (FIR) દાખલ કરીને આગળની કાયદેસરની કાર્યવાહી અને તપાસ હાથ ધરી છે. આ સફળ કામગીરીથી પંથકના ખાનગી જુગારધામ ચલાવતા તત્વોમાં ફફડાટ વ્યાપી ગયો છે.