સુરેન્દ્રનગર જિલ્લાના થાનગઢ શહેરમાં અસામાજિક પ્રવૃત્તિઓ ડામવા માટે પોલીસે કમર કસી છે. 21 માર્ચ 2026 ના રોજ થાન પોલીસની ટીમે પેટ્રોલિંગ દરમિયાન મળેલી ચોક્કસ બાતમીના આધારે શહેરના આંબેડકરનગર-03 વિસ્તારમાં આવેલા એક રહેણાંક મકાનમાં દરોડો પાડ્યો હતો. આ કાર્યવાહી દરમિયાન મેલડી માતાજીના ઓટા પાસે રહેતા પ્રકાશભાઈ લાલજીભાઈ સોલંકીના મકાનના બીજા માળેથી મોટા પ્રમાણમાં ઈંગ્લીશ દારૂનો જથ્થો મળી આવ્યો હતો.
પોલીસ તપાસમાં મકાનના ઉપરના રૂમમાંથી અલગ-અલગ બ્રાન્ડની વિદેશી દારૂની કુલ 411 નાની બોટલો (અંદાજે 123.58 લીટર) જપ્ત કરવામાં આવી છે. આ જપ્ત કરાયેલા મુદ્દામાલની કુલ કિંમત ₹1,61,615 આંકવામાં આવી છે. રહેણાંક વિસ્તારમાં આટલી મોટી માત્રામાં દારૂનો જથ્થો છુપાવવામાં આવ્યો હોવાથી સ્થાનિકોમાં પણ આશ્ચર્ય ફેલાયું છે. થાન પોલીસની આ સતર્કતાને કારણે બુટલેગરોમાં ફફડાટ વ્યાપી ગયો છે.
જોકે, પોલીસ રેડ દરમિયાન આરોપી પ્રકાશભાઈ સોલંકી સ્થળ પર હાજર મળી આવ્યા નહોતા. થાન પોલીસે હાલમાં તમામ મુદ્દામાલ કબજે કરી ફરાર શખ્સ વિરુદ્ધ પ્રોહિબિશન એક્ટ હેઠળ ગુનો નોંધી તેની શોધખોળ હાથ ધરી છે. ઉલ્લેખનીય છે કે હોળી-ધૂળેટીના તહેવારો નજીક આવતા જ પોલીસ દ્વારા દારૂ અને જુગાર જેવી પ્રવૃત્તિઓ અટકાવવા માટે સઘન ચેકિંગ શરૂ કરવામાં આવ્યું છે. આગામી દિવસોમાં પણ આવી અસામાજિક પ્રવૃત્તિઓ સામે કડક પગલાં લેવાની ખાતરી પોલીસ વિભાગ દ્વારા આપવામાં આવી છે.
Gediya Encounter Case | વર્ષ 2021 માં બનેલા ચર્ચાસ્પદ ગેડિયા પિતા-પુત્ર હનીફખાન અને મદીનખાન મલેક…
સુરેન્દ્રનગર જિલ્લામાં વરસાદ ખેંચાતા ગ્રામીણ વિસ્તારોમાં પીવાના પાણી અને પશુઓ માટે ભારે મુશ્કેલી સર્જાઈ છે.…
સુરેન્દ્રનગરમાં ઓનલાઈન ફ્રોડના નાણાં બેન્ક એકાઉન્ટ્સમાં ટ્રાન્સફર કરાવી 38 lakh રૂપિયાની છેતરપિંડી આચરવાના કેસમાં રાજકોટ…
Gambling Raid | ધ્રાંગધ્રાના રાજપર ગામની 'સિરોઈ' તરીકે ઓળખાતી સીમમાં જેસીંગભાઈ જીવાભાઈ રબારીની વાડીના શેઢે…
Chotila Liquor Raid | સુરેન્દ્રનગર LCB પોલીસે ચોટીલા-રાજકોટ હાઈવે પર જાનીવડલા ગામના પુલ નજીકથી એક…
Surendranagar Ration Supply Crisis | સુરેન્દ્રનગર શહેરમાં સાતમ-આઠમ જેવા મોટા તહેવારો નજીક આવી રહ્યા છે…