રાજપર સીમમાંથી 13 જુગારી ઝડપાયા, રૂ.1.05 લાખનો મુદ્દામાલ જપ્ત

Gambling Raid | ધ્રાંગધ્રાના રાજપર ગામની ‘સિરોઈ’ તરીકે ઓળખાતી સીમમાં જેસીંગભાઈ જીવાભાઈ રબારીની વાડીના શેઢે હાથબત્તીના અજવાળે જાહેરમાં જુગાર રમાઈ રહ્યો છે તેવી બાતમાના તાલુકા પોલીસની સર્વેલન્સ ટીમે દરોડો (Gambling Raid) પાડ્યો હતો.

દરોડા દરમિયાન પોલીસે સ્થળ પરથી જુગાર રમતા કુલ 13 શખ્સોને ઝડપી પાડ્યા હતા. આ તમામ 13 શખ્સો વિરુદ્ધ ધ્રાંગધ્રા તાલુકા પોલીસ સ્ટેશનમાં ગુનો નોંધી કાયદેસરની કાર્યવાહી હાથ ધરવામાં આવી છે.

પોલીસે સ્થળ પરથી જુગાર રમતા રોકડ રૂ. 75,200, છ મોબાઇલ ફોન (કિંમત રૂ. 30,000), એક હાથબત્તી (કિંમત રૂ. 100) અને ગંજીપાનાના 52 પત્તા મળી કુલ રૂ. 1,05,300નો મુદ્દામાલ કબજે કર્યો હતો.

ઝડપાયેલા શખ્સો (1) ભરતભાઈ ભગાભાઈ રાણેલા (2) સમરતભાઈ છનાભાઈ તેરવાડીયા (3) પેમાભાઈ હરજીભાઈ ધામેચા (4) સચીનભાઈ રમેશભાઈ રંભાણી (5) રમજાનભાઈ ઉર્ફે ટીનો બચુભાઈ સીપાઇ (6) સંજયભાઈ ભુપતભાઈ રંભાણી (7) સુરેશભાઈ શામજીભાઈ મહાલીયા (8) સનેશભાઈ ઉર્ફે સનો મેરુભાઈ પંચાસરા (9) ગોપાલભાઈ રણછોડભાઈ ગોલતર (10) રમેશભાઈ રાણાભાઈ ગમારા (11) હરેશભાઈ ભગવાનભાઈ ઘાંઘર (12) ચેતનભાઈ મુમાભાઈ મેવાડા (13) હર્ષદભાઈ ઘોઘાભાઈ ચૌહાણ