સુરેન્દ્રનગર શહેરની મુખ્ય શાક માર્કેટમાં ખરીદી કરવા આવેલી એક મહિલાનો મોબાઈલ ચોરી કરી ભાગી રહેલા તસ્કરે ટ્રાફિક પોલીસે ગણતરીની મિનિટોમાં ઝડપી પાડ્યો છે.
સુરેન્દ્રનગરના ભીડભાડવાળા વિસ્તારોમાં કિંમતી વસ્તુઓની ચોરીના બનાવો વધી રહ્યા છે, ત્યારે પોપટપરા વિસ્તારમાં આવેલી શાક માર્કેટમાં કંચનબેન નામની મહિલા ખરીદી કરી રહી હતી. આ દરમિયાન એક અજાણ્યો શખ્સ તેમના પર્સમાંથી મોબાઈલ સેરવીને નાસી છૂટ્યો હતો.
મહિલાએ તાત્કાલિક ફરજ પરના ટ્રાફિક પોલીસ જવાનોને જાણ કરતા ભાવુભા ઝાલા સહિતની ટીમ હરકતમાં આવી હતી. પોલીસે સમય સૂચકતા વાપરી સીસીટીવી ફૂટેજ તપાસ્યા હતા અને ટીઆરબી (TRB) જવાનોને ચોર જે દિશામાં ગયો હતો તે તરફ રવાના કર્યા હતા.
ટ્રાફિક પોલીસ અને ટીઆરબી જવાનોએ ફિલ્મી ઢબે પીછો કરીને ચોરી કરનાર યુવકને ખેરાળી નજીકથી દબોચી લીધો હતો. પોલીસે આરોપીના કબજામાંથી ચોરાયેલો મોબાઈલ કબજે કર્યો હતો અને મૂળ માલિક કંચનબેનને પરત સોંપ્યો હતો.
ભરચક બજારમાં ચોરીની ઘટના બન્યા બાદ ગણતરીના સમયમાં જ આરોપીને પકડી પાડી મોબાઈલ પરત અપાવવાની ટ્રાફિક પોલીસની આ કામગીરીની શહેરભરમાં પ્રશંસા થઈ રહી છે. પોલીસ દ્વારા નાગરિકોને ભીડવાળા વિસ્તારોમાં પોતાની કિંમતી ચીજવસ્તુઓ પ્રત્યે સાવધ રહેવા પણ અપીલ કરવામાં આવી છે.
લખતર-સુરેન્દ્રનગર હાઈવે પર અકસ્માતોનો સિલસિલો યથાવત રહ્યો છે. લખતરથી સુરેન્દ્રનગર તરફ જઈ રહેલી એક કાર…
ધ્રાંગધ્રાની વિશાલ ચેમ્બર્સમાં 90 લાખની છેતરપિંડી આચરનાર મહાઠગ ભરત મેવાડાનો વધુ એક કારનામો સામે આવ્યો…
સુરેન્દ્રનગર અને વઢવાણ સહિતના શહેરી વિસ્તારોમાં ઈંગ્લીશ તેમજ દેશી દારૂની હેરાફેરીના બનાવો સતત વધી રહ્યા…
ધ્રાંગધ્રાની મુખ્ય બજારમાં આવેલ વિશાલ ચેમ્બર્સમાં દુકાનધારકો સાથે Rs 90 લાખની મોટી છેતરપિંડી આચરનાર મુખ્ય…
સુરેન્દ્રનગર શહેરી વિસ્તારમાં અસામાજીક પ્રવૃતિઓ આચરતા તત્વો અને વીજ ચોરી કરનારાઓ વિરૂદ્ધ પોલીસ તંત્ર અને…
સુરેન્દ્રનગર શહેરમાંથી પસાર થતી પવિત્ર ભોગાવો નદીમાં અવારનવાર પશુઓના અવશેષો અને કંકાલ મળી આવવાની ઘટનાઓ…