વઢવાણના રામપરા ગામની સીમમાં જુગાર રમતા 5 શખ્સો પકડાયા

Rampara Gambling Raid | જોરાવરનગર પોલીસે ગ્રામ્ય વિસ્તારમાં દારૂ અને જુગાર જેવી અસામાજિક પ્રવૃત્તિઓ ડામવા માટે સઘન પેટ્રોલિંગ હાથ ધર્યું હતું.

આ દરમિયાન પોલીસને બાતમી મળી હતી કે વઢવાણ તાલુકાના રામપરા ગામની સીમમાં ટુવા ગામ તરફ જવાના રસ્તે કેટલાક ઈસમો જુગાર રમી રહ્યા છે.

પોલીસે ત્વરિત કાર્યવાહી કરીને સ્થળ પર રેઇડ પાડી હતી. આ દરોડા દરમિયાન પોલીસે જુગાર રમતા 5 શખ્સો (1) સંતોષભાઈ  સાગરભાઇ કુંઢીયા રહે.રામપરા (2) દિપક મનસુખભાઈ કુંઢીયા રહે.રામપરા (3) દિપક ભુપતભાઈ કુંઢીયા રહે.રામપરા (4) મયુર ગટુરભાઇ કાંજીયા રહે.સુરેન્દ્રનગર (5) નિતેશભાઈ મુકેશભાઇ પુરવી રહે.સુરેન્દ્રનગરને ઝડપી પાડ્યા હતા.

પોલીસે સ્થળ પરથી 34500 રૂપિયાની રોકડ રકમ સહિતનો મુદ્દામાલ જપ્ત કર્યો છે. ઝડપાયેલા તમામ આરોપીઓ સામે જોરાવરનગર પોલીસે જુગાર ધારા હેઠળ ગુનો નોંધીને આગળની કાયદેસરની કાર્યવાહી હાથ ધરી છે.