Muli Forest Awareness | મુળી તાલુકાના ખાટડી ગામે સામાજિક વનીકરણ વિભાગ (મૂળી રેન્જ) અને ભારત સરકારના રમત-ગમત અને યુવા મંત્રાલય (Ministry) હેઠળના ‘માય ભારત’ સુરેન્દ્રનગરના સંયુક્ત ઉપક્રમે એક વિશેષ લોકજાગૃતિ કાર્યક્રમનું (Program) આયોજન કરવામાં આવ્યું હતું.
આ કાર્યક્રમ અંતર્ગત ઉપસ્થિત ખેડૂતો (Farmers) અને ગ્રામજનોને ગુજરાત સરકારના વન વિભાગની વિવિધ લોકઉપયોગી યોજનાઓ (Schemes) વિશે વિસ્તૃત માહિતી પૂરી પાડવામાં આવી હતી.
પ્રકૃતિ અને પર્યાવરણના જતનના ભાગરૂપે વધુમાં વધુ લોકો સરકારી યોજનાઓનો લાભ લે અને પ્રાકૃતિક ખેતી તરફ વળે તે માટે પ્રેરણા આપીને ગામમાં સામૂહિક વૃક્ષારોપણ (Tree Plantation) કરવામાં આવ્યું હતું.
પર્યાવરણ જાગૃતિના (Awareness) આ પ્રશંસનીય કાર્યક્રમમાં નિવૃત્ત વન સંરક્ષક એચ. કે. રબારી, મૂળી રેન્જ ફોરેસ્ટ ઓફિસર (Forest Officer) એમ. આર. મેર તથા ‘માય ભારત’ સુરેન્દ્રનગરના સભ્ય જીગરભાઈ દવે ખાસ ઉપસ્થિત રહ્યા હતા અને તેમણે પ્રકૃતિનું મહત્વ સમજાવી લોકોને વધુ વૃક્ષો વાવવા પ્રોત્સાહિત કર્યા હતા.
કાર્યક્રમ દરમિયાન ગ્રામજનોને ઘરઆંગણે વાવવા માટે રોપાનું વિનામૂલ્યે વિતરણ પણ કરવામાં આવ્યું હતું. આ સમગ્ર કાર્યક્રમનું સફળ સંચાલન સ્થાનિક શાળાના શિક્ષક (Teacher) બળદેવભાઈ વાટુકીયા અને મૂળી રેન્જ ફોરેસ્ટ વિભાગના સ્ટાફ (Staff) મિત્રો દ્વારા સંયુક્ત રીતે કરવામાં આવ્યું હતું.
