મુળી (Muli) તાલુકાના ગઢાદ (Gadhad) ગામના કોંગ્રેસના યુવા નેતા અને વગડિયા ગેસ એજન્સીના સંચાલક યશપાલસિંહ દીલીપસિંહ પરમાર પર જૂની અદાવતમાં છરી વડે હુમલો (knife attack) થયો છે.
આશરે એકાદ સપ્તાહ પહેલાં યશપાલસિંહને ગેસ કનેક્શન બાબતે ગામના જ શિવરાજસિંહ રાજેન્દ્રસિંહ પરમાર સાથે બોલાચાલી થઈ હતી. જેનું મનદુઃખ રાખી તા. 5 સપ્ટેમ્બરના રોજ મૂળી ખાતે શિવરાજસિંહે તેમને ગાળો આપી ધમકી આપી હતી. ત્યારબાદ યશપાલસિંહ પોતાની કાર (car) લઈને ગઢાદ પરત ફરી રહ્યા હતા, ત્યારે જોધાભાઈ રબારીના ઘર પાસે શિવરાજસિંહ અને એક અજાણ્યા શખ્સે પોતાની કાર આડી નાખી તેમને આંતર્યા હતા.
આરોપીઓએ કારની ચાવી કાઢી હુમલો કર્યો હતો. શિવરાજસિંહે છરી મારતાં યશપાલસિંહે તેને પકડી લેતાં ડાબા હાથમાં ગંભીર ઈજા પહોંચી હતી. આ દરમિયાન આરોપીઓ કારમાં રાખેલા રૂ. 13,000 રોકડાની લૂંટ (robbery) ચલાવી ફરાર થઈ ગયા હતા.
ઈજાગ્રસ્ત નેતાને પ્રથમ મૂળી અને બાદમાં સુરેન્દ્રનગરની સી.યુ.શાહ હોસ્પિટલમાં સારવાર માટે ખસેડાયા હતા. આ અંગે મૂળી પોલીસે (Muli Police) શિવરાજસિંહ સહિત બે શખ્સો સામે ગુનો નોંધી વધુ તપાસ હાથ ધરી છે.
