સુરેન્દ્રનગર જિલ્લા પોલીસ અધિક્ષક પ્રેમસુખ ડેલૂ દ્વારા પ્રોહિબિશનની પ્રવૃત્તિઓ નાબૂદ કરવા મળેલી સૂચના અન્વયે LCB ટીમે લખતર પોલીસ સ્ટેશન વિસ્તારમાં મોટી સફળતા મેળવી છે.
વિરમગામ-લખતર હાઇવે પર ભાસ્કરપરા ગામના પાટિયા પાસે વોચ ગોઠવીને પોલીસે એક શંકાસ્પદ બોલેરો કેમ્પર ગાડીને અટકાવી હતી. પ્રાથમિક તપાસમાં ગાડી ખાલી જણાતી હતી, પરંતુ ઊંડાણપૂર્વક તપાસ કરતા તેમાં બનાવેલા ખાસ ‘ચોર ખાના’ (ગુપ્ત ખાના) મળી આવ્યા હતા. જેમાંથી વિદેશી દારૂનો મોટો જથ્થો મળી આવતા પોલીસ પણ ચોંકી ઉઠી હતી.
LCB પીઆઈ જે.જે. જાડેજાના માર્ગદર્શન હેઠળ હાથ ધરાયેલી આ કાર્યવાહીમાં પોલીસે ₹2,03,500ની કિંમતની ઇંગ્લિશ દારૂની 740 પ્લાસ્ટિક બોટલો કબજે કરી છે. આ સાથે જ ₹5,00,000ની કિંમતની બોલેરો ગાડી અને મોબાઈલ ફોન સહિત કુલ ₹7,13,500નો મુદ્દામાલ જપ્ત કરવામાં આવ્યો છે.
પોલીસે સ્થળ પરથી રાજસ્થાનના બાડમેર જિલ્લાના રહેવાસી આરોપી વિલાલખાન અરબાબખાન રાહુમાની ધરપકડ કરી છે. જોકે, દારૂનો જથ્થો મંગાવનાર જુના દેવળીયાનો વિજયભાઈ પટેલ અને અન્ય એક અજાણ્યો શખ્સ પોલીસને જોઈ ફરાર થઈ ગયા હતા.
આ સફળ કામગીરીમાં LCB અને પેરોલ ફર્લો સ્કોડના અધિકારીઓ સહિતના સ્ટાફ મેમ્બરો જોડાયા હતા. પકડાયેલા આરોપી વિરુદ્ધ લખતર પોલીસ મથકે પ્રોહિબિશન એક્ટ હેઠળ ગુનો દાખલ કરી કાયદેસરની કાર્યવાહી હાથ ધરવામાં આવી છે.
હાઇવે પર ફિલ્મી ઢબે દારૂની હેરાફેરી કરવાના આ કીમિયાને નિષ્ફળ બનાવી પોલીસે બુટલેગરોમાં ફફડાટ ફેલાવી દીધો છે. હાલ પોલીસ ફરાર આરોપીઓને ઝડપી પાડવા માટે અલગ-અલગ ટીમો બનાવી તપાસ ચલાવી રહી છે.
Ration Kit Distribution | સુરેન્દ્રનગર (Surendranagar) જિલ્લામાં વિચરતા સમુદાય સમર્થન મંચ (Vicharta Samuday Samarthan Manch)…
ચોટીલાના ચોબારી ગામે પ્રાથમિક શાળાની આકસ્મિક મુલાકાતે પહોંચ્યા કલેક્ટર ગુણવંતસિંહ સોલંકી સરકારી શાળામાં…
સુરેન્દ્રનગર (Surendranagar) એસ.ઓ.જી. પોલીસ (SOG Police) દ્વારા શહેરી વિસ્તારોમાં જિલ્લા કલેક્ટરના જાહેરનામાનું પાલન કરાવવા માટે…
ધ્રાંગધ્રા (Dhrangadhra) ખાતે આવેલી પી.એમ.શ્રી જવાહર નવોદય વિદ્યાલય (Jawahar Navodaya Vidyalaya) માં શૈક્ષણિક વર્ષ 2027-28…
Nalsarovar Fishing Ban | વિશ્વ મત્સ્ય પાલક દિવસ (World Fisheries Day) નિમિત્તે સુરેન્દ્રનગર (Surendranagar) ની…
Surendranagar Traffic Issue | સુરેન્દ્રનગર (Surendranagar) શહેરના મુખ્ય ગણાતા હેન્ડલૂમ ચોક (Handloom Chowk) થી જૂના…