ધ્રાંગધ્રા: લૂંટના ગુનામાં ઝડપાયેલા શખ્સ વિરુદ્ધ બળાત્કારની ફરિયાદ

Dhrangadhra Rape Case | ધ્રાંગધ્રામાં ગુનાહિત પ્રવૃત્તિઓ સાથે જોડાયેલા તત્વો સામે પોલીસનો સકંજો વધુ મજબૂત બન્યો છે. થોડા દિવસો પહેલા લૂંટ અને મારામારીના ગુનામાં ઝડપાયેલા હાજી સંધિ નામના શખ્સ વિરુદ્ધ હવે ધ્રાંગધ્રા સિટી પોલીસ મથકે બળાત્કારની ગંભીર ફરિયાદ નોંધાઈ છે.

આ શખ્સ સામે અગાઉ હળવદ તાલુકામાં પણ ખંડણીનો કેસ નોંધાયેલો છે, જેના કારણે તેને હળવદ પોલીસ તપાસ માટે લઈ ગઈ હતી.

પીડિત યુવતીએ નોંધાવેલી ફરિયાદ મુજબ, આરોપી હાજી સંધિએ તેને લગ્નની લાલચ આપી ગોંધી રાખી હતી અને વારંવાર શારીરિક સંબંધ બાંધ્યા હતા. ફરિયાદમાં આક્ષેપ કરાયો છે કે અગાઉ યુવતી ગર્ભવતી બનતા તેને બળજબરીથી ગર્ભપાત કરાવવામાં આવ્યો હતો.

આરોપીએ યુવતીના પિતાને જાનથી મારી નાખવાની ધમકી આપી માનસિક અને શારીરિક ત્રાસ પણ ગુજાર્યો હતો. હાલ યુવતી ફરી 2 મહિનાનો ગર્ભ ધરાવતી હોવા છતાં આરોપીએ લગ્ન કરવાની સ્પષ્ટ મનાઈ કરી દીધી હતી. આ હૃદયદ્રાવક ઘટના બાદ પોલીસે ગુનો નોંધી વધુ તપાસ હાથ ધરી છે.