પોલીસ દરોડા દરમિયાન પાંચ શખ્સોને સ્થળ પરથી જુગાર રમતા ઝડપી પાડવામાં આવ્યા હતા. પોલીસે અંકિતભાઈ ડાહ્યાભાઈ પટેલ, સંજયભાઈ પોપટભાઈ પરેશા, તળસીભાઈ મગનભાઈ પટેલ, સુરેશભાઈ હનુભાઈ ચૌહાણ અને સુભાષભાઈ રતુભાઈ ગોયલને પકડી પાડ્યા હતા. સ્થળ પરથી રોકડ રૂ.1,76,900, 6 મોબાઇલ ફોન (Mobile), 5 બાઈક (Bike) કિંમત રૂ.1,60,000 તથા એક કાર (Car) કિંમત રૂ.3,00,000 સહિત કુલ રૂ.6,77,400 નો મુદામાલ કબજે કરવામાં આવ્યો હતો.
દરોડા દરમિયાન જુગારધામનો મુખ્ય સંચાલક સુરપાલસિંહ ઉર્ફે સુરુભા દાજીભા સોલંકી પોલીસ હાથથી નાસી છૂટ્યો હતો. ઉપરાંત ચાર અલગ-અલગ વાહન માલિક/ચાલક સહિત કુલ 10 શખ્સો વિરુદ્ધ (Gambling Act) હેઠળ ધ્રાંગધ્રા તાલુકા પોલીસ મથકે ગુનો નોંધી કાયદેસરની કાર્યવાહી હાથ ધરવામાં આવી છે.
પોલીસ દ્વારા ફરાર આરોપીઓને ઝડપી પાડવા માટે તલાશી અભિયાન હાથ ધરાયું છે અને જિલ્લામાં ગેરકાયદેસર જુગાર પ્રવૃત્તિઓ સામે સખત કાર્યવાહી ચાલુ રાખવાની ચેતવણી આપવામાં આવી છે.
