Chuda Korda village School Encroachment | સુરેન્દ્રનગર (Surendranagar): જિલ્લાના ચુડા તાલુકાના કોરડા ગામે શિક્ષણના ધામ સમાન માધ્યમિક શાળાની જમીન પર ભૂમાફિયાઓની નજર પડી છે. ગ્રામજનોનો આક્ષેપ છે કે ગામના સરપંચ (Sarpanch) અને તેમના સંબંધીઓએ સત્તાનો દુરુપયોગ કરી શાળાના રમતગમતના મેદાન પર ગેરકાયદેસર કબજો (Illegal Encroachment) જમાવ્યો છે.
કરોડોની જમીન પર પાકું બાંધકામ: મળતી વિગતો મુજબ, કલેક્ટર (Collector) દ્વારા શાળા માટે સર્વે નંબર 40 પૈકી 1 વાળી 2 એકર જમીન ફાળવવામાં આવી હતી. જેમાંથી અંદાજે 1 એકર જેટલી જમીન પર સરપંચ અને તેમના પરિવારજનોએ ગેરકાયદેસર રીતે પાકું બાંધકામ (Permanent Construction) કરી દીધું હોવાનું સામે આવ્યું છે.
તંત્રની નિષ્ક્રિયતા સામે આંદોલનની ચીમકી: શાળાનું મેદાન દબાણ હેઠળ હોવાથી વિદ્યાર્થીઓ રમતગમતથી વંચિત રહી રહ્યા છે. ગ્રામજનોએ આ બાબતે અનેકવાર રજૂઆતો કરી હોવા છતાં તંત્ર દ્વારા કોઈ પગલાં લેવાયા નથી. અંતે રોષે ભરાયેલા ગ્રામજનોએ લીંબડી પ્રાંત અધિકારી (Limbdi Sub-Divisional Officer) ને આવેદનપત્ર પાઠવી (1) જવાબદારો સામે લેન્ડ ગ્રેબિંગ એક્ટ (Land Grabbing Act) હેઠળ ગુનો નોંધવામાં આવે. (2) ગેરકાયદેસર બાંધકામ તાત્કાલિક તોડી પાડી મેદાન ખુલ્લું કરવામાં આવે તેવી માંગણી કરી છે
જો આગામી દિવસોમાં તંત્ર દ્વારા નક્કર કાર્યવાહી કરવામાં નહીં આવે, તો ગ્રામજનોએ ઉગ્ર આંદોલન (Protest) કરવાની ચીમકી ઉચ્ચારી છે.
