લીંબડી-રાજકોટ હાઈવે પર ડમ્પર અને ટ્રેલર વચ્ચે અકસ્માત, એકને ઇજા

Limbdi Highway Accident | સુરેન્દ્રનગર જિલ્લાના અમદાવાદ-રાજકોટ હાઈવે (Ahmedabad-Rajkot Highway) પર વઢવાણ તાલુકાના વસ્તડી ગામ (Vastadi Village, Wadhwan)ના બ્રિજ નજીક એક ગંભીર અકસ્માત (Accident) સર્જાયો હતો. જેમાં આગળ જઈ રહેલા ટ્રેલરની પાછળ ડમ્પર ઘૂસી જતાં અકસ્માત થયો હતો.

આ ટક્કર એટલી જોરદાર હતી કે ડમ્પર ચાલક કેબિનમાં જ ફસાઈ ગયો હતો અને તેને ગંભીર ઈજાઓ પહોંચી હતી.

ઘટનાની જાણ થતાં જ આસપાસના સ્થાનિક લોકો દોડી આવ્યા હતા અને ભારે જહેમત બાદ ચાલકને કેબિનમાંથી બહાર કાઢી 108 મારફતે હોસ્પિટલ ખસેડ્યો હતો.

અકસ્માતના કારણે હાઈવે પર ટ્રાફિક જામ સર્જાયો હતો. સ્થાનિક પોલીસે ઘટનાસ્થળે પહોંચી ટ્રાફિક હળવો કરાવી વધુ તપાસ હાથ ધરી છે.