Limbdi Liquor Raid | લીંબડી પોલીસ સ્ટેશન (Limbdi Police Station) ના PI જી.બી. પરમાર અને તેમની ટીમે ચોક્કસ બાતમીના આધારે જાખણ ગામે (Jakhan Village) દરોડો પાડ્યો હતો.
બાતમી મળી હતી કે ગામમાં રહેતો જયરાજસિંહ ભગીરથસિંહ ઝાલા પોતાના રહેણાંક મકાનમાં વિદેશી દારૂનો જથ્થો સંતાડીને વેચાણ કરી રહ્યો છે અને પ્રવીણ ટેમુભા ઝાલા તેની વોચ રાખી રહ્યો છે.
પોલીસે બાતમી વાળા સ્થળે રેડ (Liquor Raid) પાડીને જુદી જુદી બ્રાન્ડની વિદેશી દારૂની કુલ 576 નાની-મોટી બોટલો જપ્ત કરી હતી.
આ દારૂના જથ્થાની કુલ કિંમત 3,95,472 રૂપિયા થાય છે. દરોડા દરમિયાન બંને આરોપીઓ જયરાજસિંહ અને પ્રવીણ સ્થળ પરથી મળી આવ્યા ન હતા.
લીંબડી પોલીસે આ મામલે બંને બુટલેગરો સહિત તપાસમાં ખુલનારા તમામ શખ્સો વિરુદ્ધ ગુનો નોંધી વધુ કાર્યવાહી હાથ ધરી છે.
ભાવનગર લઠ્ઠાકાંડ બાદ પોલીસની આ આક્રમક કાર્યવાહીથી બુટલેગરોમાં ભારે ફફડાટ વ્યાપી ગયો છે.
