રાજકોટ રેન્જ પોલીસે નાસતા-ફરતા ગુનેગારોને પકડવાની ઝુંબેશ અંતર્ગત ધજાળા પોલીસ સ્ટેશનના પ્રોહિબિશન ગુનામાં છેલ્લા 1 વર્ષથી ફરાર આરોપી પ્રદિપ દિનેશભાઇ ઉર્ફે દિલીપભાઇ ચાવડા (રહે. આંકડીયા, તા. વીંછિયા)ને ઝડપી પાડ્યો છે.
નાયબ પોલીસ મહાનિરીક્ષક નિર્લિપ્ત રાય (IPS) ના માર્ગદર્શન હેઠળ રાજકોટ રેન્જના PI અપૂર્વ પટેલ અને PSI પી.એન. મોરી સહિતની ટીમે ટેકનિકલ એનાલિસિસ અને હ્યુમન સોર્સની બાતમીના આધારે ધાંધલપુર ચોકડી પાસેથી આરોપીને હસ્તગત કર્યો હતો.
ઝડપાયેલો આરોપી અગાઉ ખૂનની કોશિશ, આર્મ્સ એક્ટ અને મારામારી જેવા ગંભીર ગુનાઓમાં પણ સંકળાયેલો રીઢો ગુનેગાર છે. પોલીસે આરોપીનો કબજો મેળવી આગળની કાયદેસરની કાર્યવાહી માટે તેને ધજાળા પોલીસ સ્ટેશન સોંપી આપ્યો છે.
