Lumpy Virus Infection | સુરેન્દ્રનગર જિલ્લામાં તાજેતરમાં પડેલા વરસાદ બાદ પશુઓમાં રોગચાળો ફાટી નીકળ્યો છે. વઢવાણ, જોરાવરનગર અને રતનપર વિસ્તારમાં ગાયોમાં લંપી વાયરસના લક્ષણો ફરી એકવાર દેખાતાં પશુપાલકોમાં ભારે ચિંતા વ્યાપી ગઈ છે.
સંક્રમિત ગાયોના શરીરે તીવ્ર તાવ, ખોરાક ન લેવો તેમજ ગુમડાં અને મોટા ગઠ્ઠા થવા જેવા લક્ષણો સામે આવ્યા છે.
આ ચેપી વાયરસના કારણે ગાયોના દૂધ ઉત્પાદનમાં મોટો ઘટાડો નોંધાયો છે, જ્યારે યોગ્ય સારવાર ન મળે તો પશુઓના મોતનો ભય પણ સતાવી રહ્યો છે.
થોડા વર્ષો અગાઉ લંપી વાયરસથી અનેક પશુઓએ જીવ ગુમાવ્યા હતા, ત્યારે ફરીથી આ લક્ષણો જણાતાં પશુપાલકોએ તાત્કાલિક પશુ ચિકિત્સકોની મદદ લેવાનું શરૂ કર્યું છે.
