સુરેન્દ્રનગર જિલ્લામાં ફરી 22 પોલીસ કર્મચારીઓની આંતરિક બદલી

Surendranagar Police Transfer  | સુરેન્દ્રનગર (Surendranagar) જિલ્લા પોલીસ વડા દ્વારા વહીવટી સરળતા અને જાહેર હિતને ધ્યાનમાં રાખીને 22 પોલીસ કર્મચારીઓની (police personnel) ફરી એકવાર બદલી (transfer) કરવામાં આવી છે. તાજેતરમાં જિલ્લા પોલીસ વડા દ્વારા એકસાથે 443 જેટલા પોલીસ કર્મચારીઓની બદલીના આદેશ આપવામાં આવ્યા હતા અને તમામને નવા સ્થળે હાજર થવા જણાવ્યું હતું.

આ તમામ કર્મચારીઓને 10 જેટલા પોલીસ સ્ટેશનમાંથી (police station) છૂટા કરીને મૂળ નિયુક્તિ વાળા સ્થળે હાજર કરી દેવાયા હતા. પરંતુ, આ નિર્ણય બાદ જિલ્લા પોલીસ વડાએ પરિસ્થિતિની સમીક્ષા કરીને વધુ એક નવો હુકમ બહાર પાડ્યો છે.

આ નવા આદેશ હેઠળ કુલ 22 પોલીસ કર્મચારીઓની આંતરિક બદલી કરવામાં આવી છે. જેમાં 12 જેટલા કર્મચારીઓને લોકલ ક્રાઈમ બ્રાન્ચ (Local Crime Branch – LCB), સ્પેશિયલ ઓપરેશન ગ્રુપ (Special Operations Group – SOG), સાયબર ક્રાઈમ (Cyber Crime) અને DYSP કચેરી જેવી મહત્વની બ્રાન્ચોમાં નિયુક્ત કરવામાં આવ્યા છે. જ્યારે અન્ય 10 જેટલા કર્મચારીઓને અગાઉ જ્યાં બદલી મળી હતી ત્યાં હાજર થવાના સ્થાને અન્ય પોલીસ સ્ટેશનમાં મુકવામાં આવ્યા છે.

મુખ્ય બદલીઓમાં એમટી ડ્રાઈવર (MT Driver) દિલીપભાઈ ચાવડાને SOGમાં ડ્રાઈવર તરીકે મુકાયા છે, જ્યારે અશ્વિન વાઘેલાને SOGમાંથી LCBમાં બદલી કરાઈ છે. વિજયસિંહ બોરાણાને LCBમાંથી જોરાવરનગર પોલીસ સ્ટેશન અને માવજી રાઠોડને પોલીસ હેડક્વાર્ટર (Police Headquarter) થી એ ડિવિઝનમાં મૂકવામાં આવ્યા છે.

હિતેશ સોલંકીને એસી એસટી (SC/ST) સેલમાંથી SOGમાં, અસલમખાન મલિકને સાયબર પોલીસમાંથી SOG ઓફિસમાં અને હરદેવસિંહ પરમારને ઝીંઝુવાડાથી SOGમાં બદલી આપવામાં આવી છે.

આ ઉપરાંત હિતેશ ડાભીને પાણશીણાથી હેડક્વાર્ટર, ભરતસિંહ પરમારને લીંબડીથી પાણશીણા, ભગીરથસિંહ વાઘેલાને બજાણાથી પાટડી DYSP કચેરી અને અરવિંદભાઈને જોરાવરનગરથી એ ડિવિઝન પોલીસ સ્ટેશન ખાતે મુકાયા છે. જિલ્લા SP દ્વારા આ તમામ ફેરબદલ સ્વ-વિનંતી અને જાહેર હિત (public interest) ના કારણોસર કરવામાં આવી હોવાનું સામે આવ્યું છે.