રતનપર-મુળી રોડ પરથી દેશી દારૂ ભરેલી અર્ટિગા કાર ઝડપાઈ; 4.55 લાખનો મુદ્દામાલ જપ્ત

સુરેન્દ્રનગર જિલ્લામાં દારૂબંધીના કડક અમલ વચ્ચે જોરાવરનગર પોલીસે દેશી દારૂની હેરાફેરીનું મોટું નેટવર્ક ઝડપી પાડ્યું છે.

રતનપર-મુળી રોડ પર મેક્સન સર્કલ પાસે પોલીસે શંકાસ્પદ અર્ટિગા કારને રોકી તલાશી લેતા તેમાંથી 250 લિટર દેશી દારૂ મળી આવ્યો હતો. પોલીસે આ મામલે રતનપરના આસિફ જુસબભાઈ મોવરની અટકાયત કરી છે.

પોલીસ તપાસમાં સામે આવ્યું છે કે, આ ગુનામાં જયપાલ ઉર્ફે જયપુર ગોધાણીયા, અમીનાબેન માણેક અને અસલમ માણેક નામના શખ્સો પણ સંડોવાયેલા છે.

પોલીસે દારૂ અને કાર મળી કુલ 4.55 લાખ રૂપિયાનો મુદ્દામાલ જપ્ત કર્યો છે. હાલમાં તમામ આરોપીઓ વિરુદ્ધ ગુનો નોંધી જોરાવરનગર પોલીસે વધુ તપાસ હાથ ધરી છે. જિલ્લામાં દેશી દારૂની વધી રહેલી હેરાફેરી સામે પોલીસની આ કાર્યવાહીથી બુટલેગરોમાં ફફડાટ વ્યાપી ગયો છે.