રોટરી ક્લબ ઓફ સુરેન્દ્રનગરનું પર્યાવરણ લક્ષી અભિયાન: કાપડની થેલીઓનું કરાયું વિતરણ

Surendranagar Rotary Club | રોટરી વર્ષ 2026-27ના પ્રથમ સેવા પ્રોજેક્ટ (Project) તરીકે રોટરી ક્લબ ઓફ સુરેન્દ્રનગર (Rotary Club Surendranagar) દ્વારા પર્યાવરણ સંરક્ષણ માટે વિશેષ જાગૃતિ અભિયાન (Awareness Campaign) શરૂ કરાયું છે.

“પ્લાસ્ટિકને ના… કાપડની થેલીને હા!” ના નારા સાથે આયોજિત આ કાર્યક્રમમાં સિંગલ-યુઝ પ્લાસ્ટિક (Single-use Plastic) મુક્ત સમાજની રચના કરવા પર ભાર મૂકાયો હતો.

ક્લબના સભ્યોને ‘કલાકર્મ પીઠ’ ખાતે વ્યાવસાયિક તાલીમ મેળવેલી આત્મનિર્ભર બહેનો દ્વારા તૈયાર કરાયેલી કાપડની થેલીઓનું વિતરણ કરવામાં આવ્યું હતું, જેનાથી મહિલા સશક્તિકરણને (Women Empowerment) વેગ મળ્યો છે.

કાર્યક્રમમાં તમામ સભ્યોએ પ્લાસ્ટિકનો ત્યાગ કરવાના શપથ લીધા હતા. ક્લબના પ્રમુખ હર્ષ મહેતાએ જણાવ્યું કે આ નાની શરૂઆત મોટું પરિવર્તન લાવશે, જ્યારે મંત્રી દીપલ મહેતાએ આગામી વર્ષમાં આરોગ્ય (Health) અને શિક્ષણ ક્ષેત્રે અનેક સેવાકીય કાર્યો કરવાની કટિબદ્ધતા વ્યક્ત કરી હતી.