સુરેન્દ્રનગરના રતનપરમાં ચોરી અને ગુંડાતત્વોનો ત્રાસ: મહિલાઓ ન્યાય માટે પોલીસ સ્ટેશને પહોંચી

સુરેન્દ્રનગર (Surendranagar)ના રતનપર (Ratanpar) વિસ્તારમાં છેલ્લા 15 દિવસથી ચોરી અને અસામાજિક તત્વોનો ઉપદ્રવ ચિંતાજનક રીતે વધી ગયો છે.

રતનપરમાં ધોળા દિવસે ઘરની બહાર પડેલી ઈંટો, માટલાં અને ગોદડાં જેવી ચીજવસ્તુઓની ચોરી થતાં કંટાળેલી સ્થાનિક મહિલાઓ ન્યાયની માગ સાથે પોલીસ સ્ટેશન (Police Station) ખાતે પહોંચી હતી.

સ્થાનિકોના જણાવ્યા મુજબ, અજાણ્યા શખ્સો આ વિસ્તારમાં આવીને રખડતા શ્વાનો પર તીક્ષ્ણ હથિયારો વડે હુમલા કરે છે. જ્યારે રહીશો આ લુખ્ખાગીરી સામે અવાજ ઉઠાવે છે, ત્યારે અસામાજિક તત્વો ધમકીઓ આપે છે.

આ ઉપદ્રવ પાછળનું મુખ્ય કારણ શેરી નંબર 19 ની પાછળ ચાલતું દેશી દારૂનું ગેરકાયદેસર વેચાણ (Illegal Liquor Sales) હોવાનું સામે આવ્યું છે. મહિલાઓએ દારૂના અડ્ડા બંધ કરાવવા અને વિસ્તારમાં પોલીસ પેટ્રોલીંગ (Police Patrolling) વધારવા કડક માગણી કરી છે.