મુળીમાં ‘હર ઘર તિરંગા’ અભિયાન અંતર્ગત ભવ્ય તિરંગા યાત્રા યોજાઈ

Har Ghar Tiranga | સ્વાતંત્ર્ય પર્વ (Independence Day)ની ઉજવણીના ભાગરૂપે “હર ઘર તિરંગા” (“Har Ghar Tiranga”) અભિયાન અંતર્ગત સુરેન્દ્રનગરના મુળી (Muli) ખાતે એક વિશાળ અને ભવ્ય તિરંગા યાત્રાનું આયોજન કરવામાં આવ્યું હતું.

આ તિરંગા યાત્રા (Tiranga Yatra) માં મુળી અને આસપાસના ગ્રામ્ય વિસ્તારમાંથી 1000 થી વધુ દેશપ્રેમી નાગરિકો ખૂબ જ ઉત્સાહભેર જોડાયા હતા.

યાત્રા દરમિયાન સમગ્ર મૂળી શહેર “ભારત માતા કી જય” અને “વંદે માતરમ્” ના દેશભક્તિના નારાઓથી ગૂંજી ઉઠ્યું હતું. આ ખાસ પ્રસંગે જીલ્લા ભાજપ પ્રમુખ (District BJP President) હાર્દિકભાઈ ટમાલીયા(Hardik Tamaliya) , સ્થાનિક સાધુ-સંતો તેમજ વિવિધ સામાજિક અને રાજકીય આગેવાનો ખાસ ઉપસ્થિત રહ્યા હતા.

કાર્યક્રમમાં ઉપસ્થિત તમામ મહાનુભાવો અને નાગરિકોએ હાથમાં રાષ્ટ્રધ્વજ (National Flag) લહેરાવીને દેશભક્તિની અનોખી ભાવના વ્યક્ત કરી હતી. આ સફળ તિરંગા યાત્રાએ લોકોમાં રાષ્ટ્રધ્વજ પ્રત્યેનું સન્માન અને રાષ્ટ્રીય એકતાનો પ્રેરણાદાયી સંદેશ વહેતો કર્યો હતો.