સુરેન્દ્રનગર જિલ્લાના આઈ.સી.ડી.એસ. (ICDS) પ્રોગ્રામ ઓફિસર ઇરાબેન ચૌહાણ દ્વારા પાટડી ઘટકની આંગણવાડીઓની અચાનક મુલાકાત લેવામાં આવતા સ્ટાફમાં ફફડાટ વ્યાપી ગયો હતો.
મહિલા અને બાળ વિકાસ વિભાગ અંતર્ગત યોજાયેલી આ મુલાકાત દરમિયાન પાટડી-1 અને પાટડી-2 ઘટકના બાળ વિકાસ યોજના અધિકારીઓ પણ સાથે રહ્યા હતા. નવા આવેલા પ્રોગ્રામ ઓફિસરે આંગણવાડીઓમાં ચાલતી કામગીરીની ઝીણવટભરી સમીક્ષા કરી હતી અને ક્ષેત્રીય કામગીરી અંગે જરૂરી માર્ગદર્શન પૂરું પાડ્યું હતું.
મુલાકાત દરમિયાન પ્રોગ્રામ ઓફિસરે આંગણવાડી કાર્યકર અને તેડાગર બહેનો સાથે સીધો સંવાદ કર્યો હતો. તેમણે તમામ લાભાર્થીઓને 100 ટકા પોષણ ટ્રેકર એપ્લિકેશનમાં આવરી લેવા અને ડેટા સમયસર અપડેટ કરવા માટે કડક સૂચનાઓ આપી હતી.
આ સાથે જ 6 માસથી 6 વર્ષના બાળકોને નિયમિતપણે ઉચ્ચ ગુણવત્તાયુક્ત પૌષ્ટિક આહાર અને પૂરક પોષણ મળી રહે તે સુનિશ્ચિત કરવા જણાવાયું હતું. બાળકોના સર્વાંગી વિકાસ માટે આહારની ગુણવત્તા સાથે કોઈ બાંધછોડ ન કરવા તાકીદ કરાઈ હતી.
શિક્ષણના સ્તરને સુધારવા માટે બાળકોને અસરકારક રીતે અનૌપચારિક શાળા પૂર્વ શિક્ષણ આપવા પર વિશેષ ભાર મૂકવામાં આવ્યો હતો. પ્રોગ્રામ ઓફિસર દ્વારા સમગ્ર સ્ટાફની કામગીરીનું મૂલ્યાંકન કરવામાં આવ્યું હતું અને વહીવટી પ્રક્રિયામાં પારદર્શિતા લાવવા સૂચના આપી હતી. આ ઓચિંતા ચેકિંગને પગલે આંગણવાડી કેન્દ્રોમાં કામગીરી વધુ વેગવંતી બનશે તેવી અપેક્ષા રાખવામાં આવી રહી છે.
લખતર-સુરેન્દ્રનગર હાઈવે પર અકસ્માતોનો સિલસિલો યથાવત રહ્યો છે. લખતરથી સુરેન્દ્રનગર તરફ જઈ રહેલી એક કાર…
ધ્રાંગધ્રાની વિશાલ ચેમ્બર્સમાં 90 લાખની છેતરપિંડી આચરનાર મહાઠગ ભરત મેવાડાનો વધુ એક કારનામો સામે આવ્યો…
સુરેન્દ્રનગર અને વઢવાણ સહિતના શહેરી વિસ્તારોમાં ઈંગ્લીશ તેમજ દેશી દારૂની હેરાફેરીના બનાવો સતત વધી રહ્યા…
ધ્રાંગધ્રાની મુખ્ય બજારમાં આવેલ વિશાલ ચેમ્બર્સમાં દુકાનધારકો સાથે Rs 90 લાખની મોટી છેતરપિંડી આચરનાર મુખ્ય…
સુરેન્દ્રનગર શહેરી વિસ્તારમાં અસામાજીક પ્રવૃતિઓ આચરતા તત્વો અને વીજ ચોરી કરનારાઓ વિરૂદ્ધ પોલીસ તંત્ર અને…
સુરેન્દ્રનગર શહેરમાંથી પસાર થતી પવિત્ર ભોગાવો નદીમાં અવારનવાર પશુઓના અવશેષો અને કંકાલ મળી આવવાની ઘટનાઓ…