લીંબડીમાંથી 27 વર્ષીય યુવાન ગુમ: માહિતી આપનારને ઇનામની જાહેરાત

સુરેન્દ્રનગર જિલ્લાના લીંબડી શહેરમાંથી 27 વર્ષીય યુવાન ભાવેશભાઈ કરશનભાઈ કછેટીયા ગત 17 ઓક્ટોબર 2025 થી ગુમ થયા હોવાની ઘટના સામે આવી છે.

મૂળ દેવભૂમિ દ્વારકા જિલ્લાના કલ્યાણપુર તાલુકાના જુવાનપુર ગામના વતની અને જ્ઞાતિએ દલવાડી એવા ભાવેશભાઈ કોઈને પણ કહ્યા વગર અચાનક ગુમ થઈ જતાં પરિવારજનોમાં ચિંતાનું મોજું ફરી વળ્યું છે. આ મામલે લીંબડી પોલીસ સ્ટેશનમાં 21 ઓક્ટોબર 2025 ના રોજ ગુમ થયાની સત્તાવાર જાણવા જોગ ફરિયાદ (નંબર 19/2025) નોંધવામાં આવી છે.

ગુમ થયેલા યુવાનની શારીરિક ઓળખની વાત કરીએ તો, તેમની ઊંચાઈ આશરે 5 ફૂટ છે, બાંધો મધ્યમ છે અને રંગ ઘઉંવર્ણો છે. તેઓ ગુજરાતી, હિન્દી અને અંગ્રેજી ભાષાઓના જાણકાર છે. લીંબડી પોલીસે યુવાનની શોધખોળ તેજ કરી છે અને જાહેર જનતાને અપીલ કરી છે કે જો કોઈને આ યુવાન વિશે માહિતી મળે તો તાત્કાલિક પોલીસનો સંપર્ક કરવો. માહિતી આપનારનું નામ ગુપ્ત રાખવામાં આવશે અને પોલીસ દ્વારા તેમને યોગ્ય ઇનામ પણ આપવામાં આવશે.