લીંબડીમાં વીજ બિલ નહીં ભરનાર ગ્રાહકોના કનેક્શન કાપવા PGVCLની મેગા ડ્રાઈવ

લીંબડી શહેર અને ગ્રામ્ય વિસ્તારોમાં PGVCL તંત્ર દ્વારા બાકી વીજ બિલની વસૂલાત માટે આકરી કાર્યવાહીની જાહેરાત કરવામાં આવી છે. આગામી 17 માર્ચ 2026 ના રોજ લીંબડી શહેર સહિત તાલુકાના ભલગામડા, શિયાણી, ભોયકા, પાણશીણા, સૌકા, અંકેવાળીયા અને સમલા સહિતના અનેક ગામોમાં માસ ડિસકનેક્શન ડ્રાઈવ હાથ ધરવામાં આવશે.

આ અભિયાન હેઠળ જે ગ્રાહકોના વીજ બિલ બાકી હશે, તેમના કનેક્શન કોઈપણ પૂર્વ સૂચના વગર સ્થળ પર જ કાપી નાખવામાં આવશે.

મહત્વની વાત એ છે કે, આ ડ્રાઈવ દરમિયાન સ્થળ પર બિલની રકમ સ્વીકારવામાં આવશે નહીં. જો કોઈ ગ્રાહકનું કનેક્શન કપાઈ જશે, તો તેમણે વીજ જોડાણ ફરી શરૂ કરાવવા માટે કચેરીએ જઈને જૂની બાકી રકમની સાથે રી-કનેક્શન ચાર્જ પણ ચૂકવવો પડશે. PGVCL દ્વારા ગ્રાહકોને અપીલ કરવામાં આવી છે કે તેઓ મુશ્કેલીથી બચવા માટે તાત્કાલિક ઓનલાઈન અથવા નજીકની વીજ કચેરીએ જઈને બિલની ચુકવણી કરી દે, જેથી તેમનો વીજ પ્રવાહ અવિરત ચાલુ રહી શકે.