લખતર (Lakhtar) તાલુકાના કડુ ગામ પાસે આજે એક માર્ગ અકસ્માતની ઘટના બની હતી. કડુ ગામથી લખતર તરફ જઈ રહેલી એક કારના (Car) ચાલકે રસ્તા પર અચાનક સ્ટેયરિંગ (Steering) પરનો કાબૂ ગુમાવી દીધો હતો. કાબૂ ગુમાવ્યા બાદ કાર ડિવાઈડર (Divider) ક્રોસ કરીને સીધી રોંગ સાઈડમાં (Wrong Side) જઈ પલટી મારી ગઈ હતી. આ અકસ્માત એટલો જોરદાર હતો કે કારના આગળના ભાગને ભારે નુકસાન થયું હતું.
આ બનાવમાં કાર ચાલકને પગ અને મોઢાના ભાગે સામાન્યથી ગંભીર ઈજાઓ પહોંચી હતી. સ્થાનિક લોકોએ તાત્કાલિક મદદ કરીને ઇજાગ્રસ્ત ચાલકને ખાનગી વાહન (Private Vehicle) મારફતે સારવાર અર્થે પ્રથમ લખતરની હોસ્પિટલમાં ખસેડ્યો હતો. ત્યારબાદ વધુ સારવારની જરૂર જણાતા તેને સુરેન્દ્રનગર (Surendranagar) હોસ્પિટલ ખાતે ખસેડવામાં આવ્યો છે. આ અકસ્માતના (Accident) કારણે હાઈવે પર થોડા સમય માટે ટ્રાફિક જામ (Traffic Jam) સર્જાયો હતો, જેને પોલીસ અને સ્થાનિક લોકો દ્વારા દૂર કરી વાહન વ્યવહાર પૂર્વવત કરવામાં આવ્યો હતો.
