Dhrangadhra Crime News | ધ્રાંગધ્રા (Dhrangadhra) ટાઉન વિસ્તારમાં અસામાજિક તત્વો બેફામ બન્યા છે. રાત્રિ દરમિયાન ખાણીપીણીની લારી-દુકાન ચલાવતા એક વેપારી સાથે સામાન્ય બાબતે બોલાચાલી બાદ જાહેરમાં મારામારીનો બનાવ બન્યો છે. લુખ્ખા તત્વોએ વેપારીને અપશબ્દો કહી જાહેરમાં ફડાકા ઝીંક્યા હતા અને છરી (Knife) બતાવી જાનથી મારી નાખવાની ધમકી આપી હતી.
હથિયારબંધીના જાહેરનામા વચ્ચે જાહેરમાં શસ્ત્રો પ્રદર્શિત કરાતા સ્થાનિક વેપારીઓ (Traders) માં ભયનો માહોલ ફેલાયો છે. આ સમગ્ર ઘટનાના સીસીટીવી ફૂટેજ (CCTV Footage) પણ સામે આવ્યા છે, જેમાં ગ્રાહકોની હાજરી વચ્ચે વેપારી પર હુમલો થતો નજરે પડે છે. કલેક્ટરના હથિયારબંધી જાહેરનામાનો કડક અમલ કરાવી, પોલીસ વિભાગ આવા આવારા તત્વો સામે કડક કાર્યવાહી કરે અને રાત્રિ ધંધાર્થીઓ સુરક્ષા અનુભવે તેવી જોરદાર માંગ ઉઠી છે.
