ધ્રાંગધ્રામાં કારખાના બહાર પાર્ક કરેલું બાઈક ચોરાયું

Dhrangadhra Bike Theft | ધ્રાંગધ્રા શહેરમાં વાહન ચોરીના બનાવોમાં વધારો થઈ રહ્યો છે, જેમાં વધુ એક કિસ્સો રેલવે કોલોની વિસ્તારમાં સામે આવ્યો છે. રેલવે કોલોની નજીક રહેતા અરુણભાઈ મેતાજીભાઈ સાંઢીયા ગત સવારે પોતાનું બાઈક લઈને ઉમા ટ્રાન્સફોર્મર કારખાને નોકરી પર ગયા હતા. તેમણે પોતાનું બાઈક કારખાનાની બહાર પાર્ક કર્યું હતું, પરંતુ અંદાજે 11:00 વાગ્યાના સુમારે જ્યારે તેઓ બહાર આવ્યા ત્યારે તેમનું બાઈક ગાયબ હતું.

અરુણભાઈએ આસપાસના વિસ્તારમાં બાઈકની સઘન શોધખોળ કરી હતી, પરંતુ કોઈ પત્તો લાગ્યો નહોતો. અંતે બાઈક ચોરી થયું હોવાનું જણાતા તેમણે ધ્રાંગધ્રા સિટી પોલીસ મથકનો સંપર્ક કર્યો હતો. પોલીસે અજાણ્યા તસ્કર વિરુદ્ધ ગુનો નોંધી સીસીટીવી ફૂટેજ અને અન્ય પુરાવાઓના આધારે તપાસ તેજ કરી છે.