દસાડા-પાટડી હાઈવે પર સાવડા ગામના પાટિયા પાસેથી પીકઅપ વાહનમાંથી ૫.૧૬ લાખનો દારૂ ઝડપાયો છે. એલીસીબી પોલીસે દારૂના જથ્થા સાથે ચાલકને ઝડપી પાડી ત્રણ શખ્સ સામે ગુનો નોંધી કાર્યવાહી હાથ ધરી છે.
એલસીબી પોલીસે દસાડા તાલુકામાં પેટ્રોલિંગ હાથ ધર્યું હતું. જે દરમિયાન દસાડા-પાટડી હાઈવે પર સાવડા ગામના પાટિયા પાસે આવેલી હોટલ મેપલ ઇન સામે રોડ પરથી લોડીંગ વાહનમાં ખાખી પૂઠાની આડમાં સંતાડેલ ઈંગ્લીશ દારૂની ૧,૯૯૨ બોટલ (કિં.રૂ.૫.૧૬ લાખ), બિયરના ૪૦૮ ટીન (કિં.રૂ.૮૯,૭૬૦), લોડીંગ વાહન (કિં.રૂ.૦૫ લાખ), મોબાઈલ સહિત કુલ રૂ.૧૧.૧૦ લાખના મુદ્દામાલ સાથે વાહન ચાલક વિષ્ણુભાઈ નરસંગભાઈ ઠાકોર (રહે. દાદકા, તા.સમી, જિ.પાટણ)ને ઝડપી કાર્યવાહી હાથ ધરી હતી. આરોપીની પુરછપરછ દરમિયાન અમરતભાઈ ઠાકોર (રહે.થરાદ) લોડીંગ વાહનના માલિક અને ઈંગ્લીશ દારૂનો જથ્થો મંગાવનાર શખ્સોના નામ પણ ખુલ્યા હતા. એલીસીબીએ તમામ વિરૂદ્ધ પાટડી પોલીસ મથકે પ્રોહીબીશન એક્ટ હેઠળ ગુનો નોંધાવી કાર્યવાહી હાથ ધરી છે.
