દસાડા પંથકમાં 16 વર્ષની સગીરા પર દુષ્કર્મ આચરનાર 60 વર્ષીય વૃદ્ધની ધરપકડ

દસાડા તાલુકાના ગ્રામ્ય વિસ્તારમાં પરિવાર સાથે રહેતી અંદાજે 16 વર્ષની સગીરા સાથે 60 વર્ષના વૃદ્ધ શાર્દુળભાઈ ભગાભાઈ ભરવાડ દ્વારા બળજબરી પુર્વક સગીરા પર અવારનવાર દુષ્કર્મ આચરી આ અંગે કોઈને કહેશે તો જાનથી મારી નાખવાની ધમકી આપી હતી.

આથી આ મામલે સગીરાએ પરિવારજનોને જાણ કરી નહોતી પરંતુ અચાનક સગીરાને પેટમાં દુખાવો થતા પરિવારજનો દ્વારા સારવાર અર્થે હોસ્પિટલ લઈ જવામાં આવતા સમગ્ર મામલો બહાર આવ્યો હતો અને સગીરાએ બાળકને જન્મ આપ્યો હતો.

આથી આ અંગે ભોગ બનનાર સગીરાના પરિવારજને પોલીસ મથકે પોકસો એક્ટ હેઠળ ફરિયાદ નોંધાવતા પોલીસે ગણતરીના કલાકોમાં જ દુષ્કર્મ આચરી સગીરાને ગર્ભવતી બનાવનાર વૃદ્ધ આરોપી શાર્દુળભાઈ ભગાભાઈ ભરવાડને ઝડપી પાડીને કાર્યવાહી હાથ ધરી છે.