લીંબડીના રળોલ ગામે LCBનો દરોડો, 7 જુગારી ઝડપાયા

Limbdi Gambling Raid | સુરેન્દ્રનગર એલસીબી ટીમે (Surendranagar LCB) પાણશીણા પોલીસ સ્ટેશન (Panshina Police Station) વિસ્તારમાં પેટ્રોલીંગ દરમિયાન મળેલી ચોક્કસ બાતમીના આધારે લીંબડી તાલુકાના રળોલ ગામે (Ralol Village, Ta. Limbdi ) પગીવાસમાં દરોડો પાડ્યો હતો.

જાહેરમાં ગંજીપાના વડે તીન પત્તીનો જુગાર રમી રહેલા 7 શખ્સોને પોલીસે રંગેહાથ ઝડપી લીધા હતા. પોલીસે દરોડા દરમિયાન આરોપીઓ પાસેથી રોકડ રકમ 22,400 રૂપિયા અને 35,000 રૂપિયાની કિંમતના 7 મોબાઈલ ફોન મળી કુલ 57,400 રૂપિયાનો મુદ્દામાલ જપ્ત કર્યો છે.

આ મામલે પાણશીણા પોલીસ સ્ટેશનમાં ગુનો નોંધી આગળની તપાસ હાથ ધરવામાં આવી છે. જોકે, સ્થાનિક પાણશીણા પોલીસ ઊંઘતી રહી અને એલસીબીએ દરોડો પાડી જુગારધામ પકડી પાડતા સ્થાનિક પોલીસની કામગીરી સામે ગંભીર સવાલો ઊભા થયા છે.

પકડાયેલા આરોપી

1. ઈમરાન વારૈયા
2. અલ્તાફ ઢોળીતર
3. હુસૈન વારૈયા
4. અરબાજ વારૈયા
5. અકતર વારૈયા
6. હાજી ટીંબલીયા
7. જીર વારૈયા