ગ્લોબલ વાઇલ્ડલાઇફ ફેર 2025 માં દસાડાના માણસને ‘લાઇફટાઇમ એચિવમેન્ટ એવોર્ડ’ એનાયત:

દસાડાના વ્યકતીને ગ્લોબલ વાઇલ્ડ લાઇફ ફેર 2025 માં ‘લાઇફ ટાઇમ એચીવમેન્ટ એવોર્ડ’ એનાયત:

કચ્છના નાના રણમાં વન્યજીવન સંરક્ષણ માટે બહુમાન

દેશની રાજધાની ખાતે તાજેતરમાં આયોજિત ગ્લોબલ વાઇલ્ડ લાઇફ ફેર-૨૦૨૫ માં ગુજરાતના એક વન્યજીવન સંરક્ષકને લાઈફ ટાઈમ એચીવમેન્ટ એવોર્ડથી સન્માનિત કરવામાં આવ્યા હતા.

દસાડા તાલુકાના જૈનાબાદ ગામના અને સોહરવર્દી પરિવારના સબીરભાઈ ખાનજીભાઈ મલેકને વન્યજીવન સંરક્ષણ અને પર્યાવરણીય સ્વરક્ષણના ક્ષેત્રમાં તેમના અમૂલ્ય યોગદાન બદલ આ પ્રતિષ્ઠિત એવોર્ડથી નવાજવામાં આવ્યા છે. સબીરભાઈએ ખાસ કરીને ગુજરાતના કચ્છના નાના રણ વિસ્તારમાં વન્યજીવોના સંરક્ષણ માટે નોંધપાત્ર કાર્ય કરતા તેઓનું સન્માન કરવામાં આવ્યું છે.

તેમના આ સન્માનથી ગુજરાતનું નામ રાષ્ટ્રીય ફલક પર ગૌરવવંતુ થયું છે. આ એવોર્ડ તેમના દાયકાઓથી ચાલતા નિષ્ઠાપૂર્વકના પ્રયત્નોની કદર છે, જેણે કચ્છના નાના રણની અનન્ય ઇકોસિસ્ટમ અને ત્યાંના વન્યજીવોને સુરક્ષિત રાખવામાં મોટો ભાગ ભજવ્યો છે. ગ્લોબલ વાઇલ્ડ લાઇફ ફેર એવોર્ડ્સ દ્વારા દેશભરમાંથી વન્યજીવન સંરક્ષણમાં યોગદાન આપનાર વ્યક્તિઓને બિરદાવી રહ્યુ છે.