લખતર તાલુકાના કડુ ગામે શ્રી કડુ પ્રાથમિક શાળા ખાતે લખતર તાલુકા સી.આર.સી કક્ષાનો ગણિત વિજ્ઞાન પ્રદર્શનનો કાર્યક્રમ યોજાયો હતો. જેમાં બજરંગપુરા, અણીયાળી, ઝમર, લરખડીયા, તરમણીયા, સદાદ, જુગતરામ દવે, માજીરાજબા પ્રાથમિક શાળા તથા રૂપાળીબા શાળા સહિત નવ શાળાના તેજસ્વી બાળકોએ જાતે બનાવેલી ગણિત વિજ્ઞાનની કૃતિઓ ખુબ સરસ રીતે રજૂ કરી હતી.જેનું સમગ્ર સંચાલન લખતર સી.આર.સી જૈમીનીબેન પટેલ દ્વારા કરવામાં આવ્યું હતુ.કૃતિના નિર્ણાયક તરીકે મોડલ સ્કૂલના શિક્ષક શ્રી ઋતુરાજ સિંહ ઝાલા અને પી.એમ પાટડીયા હાજર રહ્યા હતા.જુગતરામ દવે શાળા તેમજ કડુ પ્રાથમિક શાળાના બાળકો દ્વારા કૃતિઓ નિહાળવામાં આવી હતી.
