Dhrangadhra Fighting | ધ્રાંગધ્રા (Dhrangadhra) શહેરમાં એક લગ્ન પ્રસંગમાં મહિલાઓ સાથે ગરબા રમવાની ના પાડતા થયેલી હિંસક અથડામણ મામલે પોલીસે ત્રણ શખ્સોને ઝડપી પાડ્યા છે.
ધ્રાંગધ્રા (Dhrangadhra)ના કોળીપરા વિસ્તારમાં રહેતા દશરથભાઈ ખંડોરીયાના પરિવારમાં લગ્ન પ્રસંગ (Wedding Ceremony) હતો. રાત્રિના સમયે દાંડિયા રાસ (Dandiya Raas) ચાલતા હતા ત્યારે રસુલ ઉર્ફે ડાડો, હસન અને અમલો નામના ત્રણ શખ્સો ત્યાં આવી પહોંચ્યા હતા. આ શખ્સો મહિલાઓ ગરબા રમતી હતી ત્યાં જઈને પરાણે રમવા લાગ્યા હતા.
જ્યારે દશરથભાઈએ તેમને મહિલાઓથી દૂર રહેવા અને ત્યાં ન રમવા સમજાવ્યા, ત્યારે આ ત્રણેય શખ્સો ઉશ્કેરાઈ ગયા હતા. તેમણે ગાળાગાળી કરી પથ્થરમારો (Stone Pelting) શરૂ કર્યો હતો, જેમાં દશરથભાઈને માથાના ભાગે ગંભીર ઈજા થઈ હતી.
આ હુમલા (Attack) અંગે ધ્રાંગધ્રા સિટી પોલીસ મથકે (Dhrangadhra City Police Station) ફરિયાદ નોંધાવવામાં આવી હતી. પોલીસે બાતમીના આધારે તપાસ હાથ ધરી ત્રણેય આરોપીઓની ધરપકડ (Arrest) કરી કાયદેસરની કાર્યવાહી શરૂ કરી છે.
