વઢવાણના ખમીસાણા ગામ નજીક પંડિત દિનદયાળ ઉપાધ્યાય આવાસ યોજના હેઠળ બનાવવામાં આવતા મકાનોનું કામ છેલ્લા 1 year થી બંધ હાલતમાં છે.
ગરીબ અને મધ્યમ વર્ગના લોકોને પોતાનું ઘર મળી રહે તે માટે સરકાર દ્વારા 1.20 lakh rupees ની સહાય ચૂકવવામાં આવે છે.
વહીવટી તંત્ર દ્વારા જમીન ફાળવણી કર્યા બાદ સામાજિક અને શૈક્ષણિક રીતે પછાત વર્ગ તેમજ વિચરતી વિમુખ જાતિના 30 જેટલા પરિવારો માટે આ મકાનોનું નિર્માણ કાર્ય હાથ ધરવામાં આવ્યું હતું.
એક મકાન પાછળ અંદાજે 3.50 lakh rupees નો ખર્ચ થાય છે, જેમાં વિચરતા સમુદાય સમર્થન મંચ દ્વારા લોન પેટે બાકીની રકમ ચૂકવવામાં આવે છે.
મકાનોનો ડ્રો કરીને 80% જેટલું બાંધકામ પૂર્ણ કરવામાં આવ્યું હતું, પરંતુ લાભાર્થીઓ દ્વારા નિયમિત હપ્તા ન ભરવામાં આવતા કોન્ટ્રાક્ટર દ્વારા કામ અધૂરું મૂકી દેવામાં આવ્યું છે.
છેલ્લા એક વર્ષથી કામ બંધ હોવાના કારણે મકાનોના બારી-બારણા અને અન્ય માળખું ડેમેજ થઈ રહ્યા છે. મકાનો ખુલ્લા હોવાને કારણે ત્યાં અસામાજિક પ્રવૃત્તિઓ થતી હોવાની ચર્ચાઓ પણ જોર પકડી રહી છે.
આ પરિસ્થિતિને કારણે ગરીબ પરિવારો પોતાના ઘરનું સ્વપ્ન સાકાર થવાની રાહ જોઈને બેઠા છે પરંતુ વહીવટી તંત્ર અને સંસ્થાની અસુવિધાના કારણે મુશ્કેલીમાં મુકાયા છે.
સ્થાનિક સ્તરેથી માંગ ઉઠી છે કે તાત્કાલિક ધોરણે અધૂરા મકાનોનું કામ પૂર્ણ કરવામાં આવે જેથી 30થી વધુ પરિવારો સુરક્ષિત રીતે પોતાના ઘરમાં રહી શકે.
