સુરેન્દ્રનગર પેરોલ ફર્લો સ્કવોડની ટીમને એક મોટી સફળતા મળી છે. ધાંગધ્રા સીટી પોલીસ સ્ટેશનમાં વર્ષ 2013 માં નોંધાયેલા રાયોટિંગ (ટોળા દ્વારા હિંમત) ના ગુનામાં છેલ્લા 13 વર્ષથી પોલીસને થાપ આપી રહેલા વોન્ટેડ આરોપી સંજય લાખાભાઈ ભરવાડને ઝડપી પાડવામાં આવ્યો છે. પેરોલ ફર્લોની ટીમને મળેલી ચોક્કસ ખાનગી બાતમીના આધારે ધાંગધ્રા જેલ નજીક વોચ ગોઠવીને આ કાર્યવાહી કરવામાં આવી હતી.
ઝડપાયેલો આરોપી સંજય ભરવાડ ધાંગધ્રાનો જ રહેવાસી છે અને લાંબા સમયથી ધરપકડથી બચવા માટે નાસતો-ફરતો હતો. પોલીસે તેને હસ્તગત કરી વધુ તપાસ અને કાયદેસરની કાર્યવાહી માટે ધાંગધ્રા સીટી પોલીસ મથકે સોંપ્યો છે. સુરેન્દ્રનગર જિલ્લામાં નાસતા-ફરતા ગુનેગારોને પકડવા માટે પોલીસ દ્વારા ચલાવવામાં આવતી ખાસ ઝુંબેશ અંતર્ગત આ મહત્વની ધરપકડ કરવામાં આવી છે.
