Dhrangadhra News | માર્ચ મહિનો નજીક આવતા જ સરકારી તંત્ર દ્વારા બાકી લેણાંની ઉઘરાણી તેજ કરવામાં આવી છે. ધ્રાંગધ્રા પીજીવીસીએલ (PGVCL) વિભાગ દ્વારા લાંબા સમયથી બાકી રહેલી ₹1.75 કરોડની રકમ વસૂલવા માટે કમર કસી છે. તંત્ર દ્વારા આશરે 4500 જેટલા બાકીદારોને નોટિસ (Notice) ફટકારી તાત્કાલિક બિલ ભરપાઈ કરવા આદેશ આપ્યો છે.
ધ્રાંગધ્રા શહેર અને ગ્રામ્ય વિસ્તારમાં ખેતીવાડી (Agricultural), ઘરવપરાશ (Domestic) અને ઇન્ડસ્ટ્રીઝ (Industries) ના વીજ બિલોની મોટી રકમ બાકી છે. માર્ચ એન્ડિંગ (March Ending) ને ધ્યાનમાં રાખીને જુદી જુદી ટીમો બનાવવામાં આવી છે. અધિકારીઓએ સ્પષ્ટ ચેતવણી આપી છે કે જો બાકી રકમ જમા નહીં કરવામાં આવે તો વીજ કનેક્શન (Electricity Connection) કાપી નાખવાની કડક કાર્યવાહી કરવામાં આવશે.
કાર્યપાલક ઈજનેર જી. વડગાસીયાના માર્ગદર્શન હેઠળ કર્મચારીઓ રૂબરૂ સંપર્ક કરી રહ્યા છે. નાયબ ઈજનેર ધમેન્દ્રસિંહ જાડેજાએ જણાવ્યું કે, લોકોની સુવિધા માટે કેશલેસ (Cashless) પેમેન્ટની સુવિધા પણ શરૂ કરવામાં આવી છે. હાલ રિક્ષા દ્વારા જાહેરાત (Announcement) અને બોર્ડ લગાવીને ગ્રાહકોને જાગૃત કરવામાં આવી રહ્યા છે, જેને પગલે બાકીદારોમાં ફફડાટ વ્યાપી ગયો છે.
About The Author
