થાન મામલતદાર અને પુરવઠા વિભાગની ટીમ દ્વારા આજે થાન તાલુકામાં આવેલી વિવિધ ગેસ એજન્સીઓ, હોટલો અને રેસ્ટોરન્ટ્સમાં સરપ્રાઈઝ ચેકિંગ હાથ ધરવામાં આવ્યું હતું. આ કામગીરીનો મુખ્ય ઉદ્દેશ્ય ગેસ વિતરણમાં પારદર્શિતા લાવવાનો અને લોકોને પૂરતો જથ્થો મળી રહે તે સુનિશ્ચિત કરવાનો છે.
તપાસ દરમિયાન અધિકારીઓએ ગેસ એજન્સીના ગોડાઉનોમાં રહેલા સિલિન્ડરના જથ્થાની ભૌતિક ચકાસણી કરી હતી. આ સાથે જ સ્ટોક રજિસ્ટર અને વિતરણની નોંધપોથીઓની પણ ઝીણવટભરી તપાસ કરવામાં આવી હતી જેથી કોઈ અનિયમિતતા ન જણાય. આ ઉપરાંત, વિવિધ ચાની હોટલો અને ખાદ્ય એકમો પર પણ તપાસ કરી ઘરેલું ગેસના ગેરકાયદેસર ઉપયોગ અંગે તકેદારી રાખવામાં આવી હતી. તંત્રની આ આકસ્મિક કાર્યવાહીથી ગેરરીતિ કરતા તત્વોમાં ફફડાટ ફેલાયો છે.
