સુરેન્દ્રનગર: ટાંકી ચોક પાસે કાર અને કેબિનમાં આગ લાગી

સુરેન્દ્રનગર (Surendranagar) શહેરના ટાંકી ચોક (Tanki Chowk) વિસ્તારમાં આવેલા મિલ રોડ પર એક મિલના ડેલાની અંદર, મસ્જિદ નજીક પાર્ક કરેલી કારમાં અચાનક ભીષણ આગ (Fire) ફાટી નીકળી હતી.

સુરેન્દ્રનગર શહેરી વિસ્તારમાં છેલ્લા કેટલાક સમયથી આગ લાગવાની ઘટનાઓમાં સતત વધારો થઈ રહ્યો છે, જેમાં ખાસ કરીને વાહનોમાં આગ લાગવાના કિસ્સાઓ વધી રહ્યા છે. આ અકસ્માતને (Accident) કારણે આજુબાજુના સ્થાનિક લોકોમાં ભારે અફરાતફરી મચી ગઈ હતી અને લોકોના જીવ તાળવે ચોંટ્યા હતા.

ઘટનાની જાણ થતાં જ સ્થાનિક રહીશોએ તાત્કાલિક સુરેન્દ્રનગર મહાનગરપાલિકાની (Surendranagar Municipality) ફાયર બ્રિગેડ (Fire Brigade) ટીમનો સંપર્ક કર્યો હતો.

માહિતી મળતાની સાથે જ ફાયર ફાઈટરની (Fire Fighter) ટીમ તાત્કાલિક ઘટનાસ્થળે દોડી ગઈ હતી અને આગ પર પાણીનો ભારે મારો ચલાવીને ટૂંક સમયમાં સ્થિતિ પર કાબૂ મેળવ્યો હતો.

પ્રાથમિક અનુમાન મુજબ, અતિશય ગરમીના (Heat) કારણે ઇલેક્ટ્રિક વાયરોમાં શોર્ટ સર્કિટ (Short Circuit) થયું હતું. આ કાર બરાબર વીજળીના વાયરોની નીચે પાર્ક કરવામાં આવી હોવાથી, શોર્ટ સર્કિટના કારણે સર્જાયેલું તણખલું કાર પર પડતા આ દુર્ઘટના ઘટી હોવાની આશંકા છે.

આ ભયાનક આગની ઝપેટમાં નજીકમાં આવેલી એક કેબિન (Cabin) પણ આવી ગઈ હતી અને આગ ત્યાં પણ પ્રસરી ગઈ હતી. ફાયર ટીમે કેબિન પર પણ પાણીનો મારો ચલાવીને આગને સંપૂર્ણપણે ઓલવી દીધી હતી.

જોકે, આ દુર્ઘટનામાં કાર બળીને સંપૂર્ણપણે ખાખ થઈ ગઈ છે, જ્યારે કેબિનમાં રાખેલો તમામ સામાન અને મુદ્દામાલ બળી જતાં મોટું નુકસાન (Loss) થયું છે. સદનસીબે આ ઘટનામાં કોઈ જાનહાનિના સમાચાર નથી.