સુરેન્દ્રનગર (Surendranagar) એસટી બસ સ્ટેન્ડમાં આજે એસટી નિગમની ‘સલામત સવારી, એસટી અમારી’ના સૂત્રના લીરેલીરા ઉડતા જોવા મળ્યા હતા. રાજકોટ (Rajkot) તરફથી આવીને વિરમગામ (Viramgam) જઈ રહેલી એક એસટી બસ પ્લેટફોર્મ નંબર 1 (One) પર અચાનક બંધ પડી ગઈ હતી. બપોરના સમયે જ્યારે તાપમાન ઊંચું હતું, ત્યારે ટેકનિકલ ખામી સર્જાતા મુસાફરો મુશ્કેલીમાં મુકાયા હતા.
બપોરના કાળઝાળ તાપમાં (Heat) લાંબા સમય સુધી બસ શરૂ ન થતા આખરે અંદર બેઠેલા મુસાફરોને નીચે ઉતરવાની ફરજ પડી હતી. નવાઈની વાત એ છે કે, બસને ચાલુ કરવા માટે કોઈ મિકેનિક કે અન્ય વ્યવસ્થાને બદલે મુસાફરોએ જ મહેનત કરવી પડી હતી. ગરમીમાં પરસેવે રેબઝેબ થયેલા મુસાફરોએ ભેગા મળીને બસને જોરદાર ધક્કો (Push) મારતા બસ પુનઃ શરૂ થઈ હતી અને ત્યારબાદ તે વિરમગામ તરફ રવાના થઈ હતી.
રાજ્ય પરિવહન નિગમ (GSRTC) દ્વારા અવારનવાર નવી બસો ફાળવવાના દાવા કરવામાં આવે છે, પરંતુ વાસ્તવિકતામાં હજુ પણ અનેક ખખડધજ અને જર્જરિત બસો (Broken Buses) રસ્તા પર દોડી રહી છે. મુસાફરોમાં એસટી તંત્રની આ ઉદાસીનતા સામે ભારે રોષ જોવા મળ્યો હતો. મુસાફરોની માંગ છે કે આવી ભંગાર બસોનું યોગ્ય સમારકામ કરવામાં આવે અથવા તેને રૂટ પરથી તાત્કાલિક હટાવવામાં આવે, જેથી મુસાફરોને આવી શારીરિક અને માનસિક હાલાકી ભોગવવી ન પડે.
ધારાસભ્ય જગદીશભાઈ મકવાણાના હસ્તે રિબન કાપી કાર્યાલય ખુલ્લું મુકાયું ભાજપના ચારેય ઉમેદવારોને જંગી બહુમતીથી જીતાડવા…
સુરેન્દ્રનગર (Surendranagar) જિલ્લામાં આગામી 26 એપ્રિલના રોજ યોજાનારી સ્થાનિક સ્વરાજ્યની ચૂંટણીઓ (Local Body Elections) પૂર્વે…
સુરેન્દ્રનગર (Surendranagar) જિલ્લાના ચોટીલા તાલુકાના ગુંદા ગામની સીમમાં આવેલી પવનચક્કીમાં થયેલી મોટી ચોરીનો ભેદ પોલીસે…
સુરેન્દ્રનગરની સિવિલ હોસ્પિટલમાં (Civil Hospital) ફરજ પરના તબીબો અને સ્ટાફ સાથે ગેરવર્તનની ઘટનાઓમાં ચિંતાજનક વધારો…
સુરેન્દ્રનગર જિલ્લામાં આગામી તા. ૨૬/૦૪/૨૦૨૬ ના રોજ યોજાનારી જિલ્લા પંચાયત, તાલુકા પંચાયત અને મહાનગરપાલિકાની સામાન્ય…
સુરેન્દ્રનગર જિલ્લામાં સ્થાનિક સ્વરાજ્યની ચૂંટણીના સત્તાવાર મતદાન પૂર્વે જ રાજકીય માહોલ સંપૂર્ણપણે કેસરીયો બની ગયો…