સુરેન્દ્રનગરની એમ.પી. શાહ કોમર્સ કોલેજ અને ભારત સરકારના યુવા કાર્યક્રમ મંત્રાલયના સંયુક્ત ઉપક્રમે 23 માર્ચ ‘શહીદ દિવસ’ નિમિત્તે વિવિધ રાષ્ટ્રભક્તિના કાર્યક્રમોનું ભવ્ય આયોજન કરવામાં આવ્યું હતું.
અમર શહીદ ભગતસિંહ, રાજગુરુ અને સુખદેવના સર્વોચ્ચ બલિદાનને યાદ કરી વિદ્યાર્થીઓએ ભાવભરી શ્રદ્ધાંજલિ અર્પણ કરી હતી. આ ઉજવણીના ભાગરૂપે “માય ભારત, માય રિસ્પોન્સિબિલિટી” થીમ પર એક વિશાળ પદયાત્રાનું આયોજન કરવામાં આવ્યું હતું, જેને કોલેજના પ્રાચાર્ય ડૉ. વજાણી અને મહાનુભાવોએ લીલી ઝંડી બતાવી પ્રસ્થાન કરાવ્યું હતું.
મુખ્ય કાર્યક્રમના આગલા દિવસે, 22 માર્ચ 2026ના રોજ યુવાનોમાં સામાજિક જવાબદારી કેળવાય તે હેતુથી જોરાવરનગર વિસ્તાર અને બાલ યુવા સંસ્કાર કેન્દ્રમાં વિશેષ ‘શ્રમદાન’ અને સ્વચ્છતા અભિયાન હાથ ધરવામાં આવ્યું હતું. ડૉ. રમેશ દાવડાના માર્ગદર્શન હેઠળ યુવા ક્લબોએ જાહેર બગીચાઓમાં સફાઈ કરી નાગરિક જાગૃતિનો સંદેશ ફેલાવ્યો હતો. પદયાત્રા દરમિયાન યુવાનોએ રાષ્ટ્રીય એકતા અને શહીદોના ગૌરવગાન કરતા પ્લેકાર્ડ્સ પ્રદર્શિત કર્યા હતા, જે સમગ્ર શહેરમાં આકર્ષણનું કેન્દ્ર બન્યા હતા.
કાર્યક્રમના અંતે તમામ વિદ્યાર્થીઓએ સામૂહિક રાષ્ટ્રગાન કરી દેશની એકતા અને અખંડિતતા જાળવવાના શપથ લીધા હતા. એમ.પી. શાહ કોમર્સ કોલેજના સ્ટાફ અને સ્વયંસેવકોના સહયોગથી યોજાયેલા આ કાર્યક્રમે યુવા પેઢીમાં દેશપ્રેમ અને જવાબદાર નાગરિકત્વની ભાવના પ્રબળ બનાવી છે. આ પ્રકારના આયોજનોથી શહીદોના આદર્શોને જીવંત રાખવાનો સરાહનીય પ્રયાસ કરવામાં આવ્યો છે.
ભારત હવામાન વિજ્ઞાન વિભાગ (IMD) દ્વારા જાહેર કરાયેલા તાજેતરના અહેવાલ અનુસાર, સુરેન્દ્રનગર જિલ્લામાં ગરમીનો પારો…
સુરેન્દ્રનગર શહેરની ભોગાવો નદીમાં રતનપર પાસે ગૌવંશના અવશેષો મળી આવતા સમગ્ર પંથકમાં ભારેલા અગ્નિ જેવી…
સુરેન્દ્રનગર લોકલ ક્રાઈમ બ્રાન્ચ (LCB) ની ટીમે ધ્રાંગધ્રા-અમદાવાદ નેશનલ હાઈવે પર સફળતાપૂર્વક દરોડો પાડીને વિદેશી…
સુરેન્દ્રનગર જિલ્લામાં દારૂબંધીના કડક અમલ વચ્ચે જોરાવરનગર પોલીસે દેશી દારૂની હેરાફેરીનું મોટું નેટવર્ક ઝડપી પાડ્યું…
સુરેન્દ્રનગર મહાનગરપાલિકા હેઠળ આવતા વઢવાણ, જોરાવરનગર અને કૃષ્ણનગરના સ્મશાન ગૃહોમાં ફરજ બજાવતા 16 જેટલા કર્મચારીઓ…
સુરેન્દ્રનગર શહેરના હાઉસિંગ બોર્ડ સોસાયટી વિસ્તારમાં ઈલેક્ટ્રિક TC (ટ્રાન્સફોર્મર) માં આગ લાગવાની ઘટના સામે આવી…