સુરેન્દ્રનગર જિલ્લાના યુવાનો માટે ફ્રી આર્મી ટ્રેનિંગનું આયોજન

Surendranagar Army Training Class | સુરેન્દ્રનગર (Surendranagar) જિલ્લાના દેશદાઝ ધરાવતા યુવાનો સંરક્ષણ ક્ષેત્રે પોતાની ઉજ્જવળ કારકિર્દી બનાવી શકે તે માટે વિશેષ તાલીમનું આયોજન કરવામાં આવ્યું છે.

અગ્નિવીર (Agniveer) તરીકે ભારતીય ભૂમિદળમાં (Indian Army) જોડાઈને દેશસેવા કરવા માંગતા અવિવાહિત અને શારીરિક રીતે સશક્ત પુરુષ ઉમેદવારો માટે રોજગાર કચેરી, સુરેન્દ્રનગર (District Employment Office) દ્વારા આ નિઃશુલ્ક નિવાસી તાલીમ વર્ગ શરૂ કરવામાં આવશે.

સપ્ટેમ્બર અથવા ઓક્ટોબર દરમિયાન યોજાનાર આ તાલીમ વર્ગ માટેનો વિગતવાર કાર્યક્રમ બહાર પાડવામાં આવ્યો છે. આર્મી ભરતી પ્રક્રિયા અંગે વધુ માહિતી માટે તમે Join Indian Army Portal ની મુલાકાત લઈ શકો છો.

આ તાલીમ વર્ગમાં જોડાવા ઈચ્છુક ઉમેદવારો માટે ચોક્કસ લાયકાતના ધોરણો નક્કી કરવામાં આવ્યા છે. જેમાં અરજદારની વય મર્યાદા 17.5 થી 22 વર્ષની હોવી જરૂરી છે.

આ ઉપરાંત ઉમેદવાર S.S.C. અથવા H.S.C. પાસ હોવો જોઈએ અને તેનું વજન ઓછામાં ઓછું 50 કિલો હોવું આવશ્યક છે. Surendranagar Army Training દરમિયાન જે ઉમેદવારો 80% હાજરી પૂર્ણ કરશે, તેમને સરકારના નિયમોનુસાર સ્ટાઈપેન્ડ (stipend) પણ ચૂકવવામાં આવશે.

આ નિઃશુલ્ક નિવાસી વર્ગમાં જોડાવા માટે ઉમેદવારોએ તા. 05 સપ્ટેમ્બર, 2026 સુધીમાં જાહેર રજા સિવાયના દિવસોમાં રૂબરૂ જઈને સ્વખર્ચે ફોર્મ ભરવાનું રહેશે.

અરજી ફોર્મ મેળવવા અને જમા કરાવવા માટે ‘જિલ્લા રોજગાર કચેરી, આર એન્ડ બી કેમ્પસ (R&B Campus), કલેક્ટર કચેરી સામે, સુરેન્દ્રનગર’ ખાતે સંપર્ક કરવા ઈ.ચા. રોજગાર અધિકારી (General) દ્વારા જણાવવામાં આવ્યું છે.