સુરેન્દ્રનગરમાં સામાન્ય વરસાદમાં જ વીજળી ગુલ: 3 કલાક સુધી અંધારપટ્ટ છવાયો

પાટડી તાલુકાના પીપળી ગામની સીમમાં ભેંસોના ભેલાણ મુદ્દે થયેલી સામાન્ય બોલાચાલીએ લોહીયાળ સ્વરૂપ ધારણ કર્યું છે. પીપળી ગામની બહાર આવેલી એક વાડીમાં માલધારી યુવકની ભેંસો ઘૂસી ગઈ હતી અને ઊભા પાકને નુકસાન પહોંચાડ્યું હતું.

આ ભેલાણ મુદ્દે થયેલી માથાકૂટમાં માલધારી યુવક વિજયભાઈ હીરાભાઈ બતાડા પર ચાર શખ્સોએ ઘાતક હથિયારો વડે હુમલો કર્યો હતો. હુમલાખોરોએ કુહાડીના ઝીંકાયેલા ઘાને કારણે યુવકને માથાના ભાગે ગંભીર ઈજાઓ પહોંચી હતી, જેના કારણે તેને 16 જેટલા ટાંકા લેવા પડ્યા છે.

આ ઘટના અંગે વિજયભાઈએ બજાણા પોલીસ સ્ટેશનમાં ફરિયાદ નોંધાવી છે. પોલીસ ફરિયાદ મુજબ, વસીમ ખાન મલેક, રજબ ખાન મલેક, આમીન ખાન મલેક અને રેહાન ખાન મલેક નામના ચાર ઈસમોએ એકસંપ થઈને કુહાડી અને અન્ય હથિયારો વડે હુમલો કર્યો હતો. હુમલાખોરોએ યુવકને બરડાના ભાગે પણ ગંભીર ઈજાઓ પહોંચાડી હતી અને જાનથી મારી નાખવાની ધમકી આપી હતી. લોહીલુહાણ હાલતમાં યુવકને તાત્કાલિક સારવાર અર્થે હોસ્પિટલ ખસેડવામાં આવ્યો હતો.

આ ચકચારી ઘટનાને પગલે માલવણ અને બજાણા પોલીસ હરકતમાં આવી છે. પોલીસે ચારેય શખ્સો સામે આઈપીસીની સંબંધિત કલમો હેઠળ ગુનો દાખલ કરી તેમની ધરપકડના ચક્રો ગતિમાન કર્યા છે. ખેતરના ભેલાણ જેવી સામાન્ય બાબતમાં થયેલા આ જીવલેણ હુમલાને કારણે પંથકમાં ભારે ચર્ચા જાગી છે. હાલ પોલીસ દ્વારા ઘટનાસ્થળની મુલાકાત લઈ વધુ પુરાવા એકત્ર કરવામાં આવી રહ્યા છે અને ફરાર આરોપીઓને પકડવા માટે વિવિધ ટીમો બનાવી તપાસ તેજ કરવામાં આવી છે.