મુળીના વાગડીયામાં વાજબી ભાવની 3 દુકાનમાં ચેકિંગ, અનાજના 50 કટ્ટાનો ગોટાળો ઝડપાયો

FPS Shop Raid | સુરેન્દ્રનગર જિલ્લાના મૂળી તાલુકાના વાગડીયા ગામ ખાતે આવેલી 3 વાજબી ભાવની દુકાનો (Fair Price Shop – FPS) પર નાયબ કલેક્ટર (Deputy Collector) અને સબ ડિવિઝનલ મેજિસ્ટ્રેટ (Sub-Divisional Magistrate – SDM) H. T. Makwana તથા મૂળી મામલતદાર (Mamlatdar) દ્વારા સંયુક્ત રીતે આકસ્મિક તપાસ (Surprise Inspection) હાથ ધરવામાં આવી હતી.

તપાસ દરમિયાન વાગડીયા-1, વાગડીયા-2 અને ભવાનીગઢ એમ ત્રણેય FPS નું સંચાલન રાજેશકુમાર રસિકલાલ રાજદેવ કરી રહ્યા હોવાનું અને તેમને વધારાનો ચાર્જ સોંપાયેલો હોવાનું સામે આવ્યું હતું.

દુકાનોના ભૌતિક જથ્થાની ચકાસણી (Physical Verification) કરતા ગંભીર ગેરરીતિઓ સામે આવી છે. જેમાં ઘઉંના 4 કટ્ટા અને ખાંડના 27 કટ્ટાનો ઘટાડો (Shortage) જ્યારે તુવેર દાળના 2 કટ્ટા, ચોખાના 14 કટ્ટા અને ચણાના 4 કટ્ટાનો વધારો મળી આવ્યો હતો.

આમ, કુલ અંદાજે 50 કટ્ટા જેટલા જથ્થામાં વધ-ઘટ નોંધાઈ હતી. આ સિવાય લાભાર્થીઓને નિયમ મુજબ કૂપન કે રસીદ (Receipts) ન આપવી, કૂપન પ્રિન્ટ કરવા માટે પ્રિન્ટર (Printer) ઉપલબ્ધ ન હોવું અને દુકાનમાં સ્વચ્છતાનો ક્ષતિગ્રસ્ત અભાવ જેવી અનિયમિતતાઓ (Irregularities) ઝડપાઈ હતી.

આ ઉપરાંત NFSA, BPL અને અંત્યોદય લાભાર્થીઓની યાદી, અનાજના નમૂનાઓ (Samples) અને માહિતી બોર્ડ (Information Board) નિભાવવામાં આવ્યા ન હતા. તપાસકર્તાઓના મતે લાભાર્થીઓને ઓછું અનાજ આપીને બાકીનો જથ્થો ઓપન માર્કેટમાં (Open Market) વધુ કિંમતે વેચી ગેરકાયદેસર નફો મેળવવાનો પ્રયાસ કરાયો હોવાની શંકા છે.

આ ગેરરીતિ બદલ TPDS Control Order અને Essential Commodities Act, 1955 હેઠળ સંચાલક સામે કાયદેસરની કાર્યવાહી (Legal Action) કરીને વધારાનો જથ્થો જપ્ત (Seize) કરવામાં આવ્યો છે.